ياريت كل واحدة تكتب نتيجتها هنا ونتفاعل ونعرف الاوائل وكدة

بسم الله الرحمن الرحيم

ياريت كل واحدة تكتب هيا جابت كام وياريت اعرف مين الاوائل فيزيا وكيميا لان انا يدوب معرفش الا نتيجه واحدة او اتنين

ياريت كل واحدة عندها معلومات تكتبها هنا

على العموم انا فيزيا وجايبه 125

انا عارفه انها وحشة بس مش مهم وانا عرفت ان اول الصبيان جايب 127 ههههههههه

ياريت تفاعل

اولا احب ارحب بيكى بالمنتدى ثانيا احب اقولك مبرووووووووك على الدرجة دى ثالثا الصبيان مش بيذاكروا 24*24 ساعة زى البنات وده منطقى ان اول واحد يجيب 27 وأقراءى حضرتك البوابة فيها قائمة

بس ده ترتيب عام مش ممكن نقيس الكيميا بالفيزيا ممكن تقولى الاوائل فى البنات فى الكيميا لوحده والفيزيا لوحده

ممكن تقوللنا ترتيب الصبيان لو سمحتى

وكمان ممكن ذا مايسترو يقولنا الترتيب من وجهة نظرة هو لانى سمعت ان الترتيب فى حاجات عجيبه والدرجات اللى فى الشهادة غلط وكده مش عارفه ممكن بقه توضحولنا.

1-محمد عبد الداودى 127
2- عمرو عبد السلام الشبلى 125.5
3- محمد عبد الرحيم عرفة سعيد 125

والله ما انا هى
انا عمرى ما هدخل الا بنيك نيم
وبعدين اشمعنى العضوه دى بالذات اللى قلت انها انا
وبعدين مش هو ممنوع انى اعمل اكتر من عضويه والمستر قال لو عنوان اى بى واحد هيطرد العضوين
انا جبت درجه مش عاروزه اقولها لو سمحت

انا فعلا مش زهرة المدائن وكمان ده مش اسمى ده نيك نيم كمان يعنى مفيش حد يعرف اسمى ولو مش متاكد اتاكد من الاى بى

ياااه يا ريتنى كنت فى مدرسة البنين كان فاتنى الاولى

وبعدين يا مايسترو بنات مين الى بيذاكروا 24 ساعه

لا انت فاهم غلط البنات بيذاكرووا 24 ساعه وبيستلفوا

ساعه من اليوم الى بعده يعنى 25 ساعه شفت بقى

وانا طبعا خارج الموضوع ده أنا بلعب 24 ساعه

واستلف ساعه من اليوم الى بعده العب فيها

لا لا يا برينسس ايه اللى بتقوليه ده
انا بنام 26 ساعه فى اليوم 12 ساعه على الكمبيوتر 10 ساعه قدام التلفاز وكده يبقى يومين خلصوا من الاسبوع وهكذا بقيت الاسبوع
بس منكرش ان فى بعض البنات فعلا بيذاكرو 24 ساعه فى 24 ساعه بس طبعا مستحيل اكون منهم والا مكنتش اجيب الدرجه بتاعتى دى

طب انتى فاكره يا زهره أما بنكون فى درس العربى وبعدين الاستاذ
يدلينا فصلين قصه فى الحصه الواحده واما نيجى نقوله مش هنلحق
نذاكر يقولنا لييييييييييييه ده اليوم فيه 24 ساعه

معلش دخلت فى الموضوع كده
بس أنا فاكرة كده كويس
وكمان الحصة اللى بعدها نقول للأستاذ ملحناقش
يقولنا كنتوا تقولولى وأنا أخفف المذاكرة

هههههههههههههههههههههههههههههههههههههههه
بروح ساعتها مكروته الواجب والحفظ
ههههههههههههههههههههههههههههههههههه
لا واللى يغيظ طب ما كنتوا تقولى لى وانا اخففه
وقبلها نكون بنتحايل عليه يخففها شوى وهو يقول دول سهلين

اظن يعنى ان امتحانات البنات كانت سهلة جدا جدا
وكمان نبقى نشوف فى الثانوية العامة الصبيان واخدين الموضوع بهزار شوية بس
وكمان الامتحانات بتاعتكم دى سهلة جدا

امتحانات مين اللى كانت سهله
وانت حاميين من الاول على بعض كده
وبعدين التصحيح كان ماشاء الله زى الفل ومفيش اى حاجه خااااااااااااااااااااااالص
الله يسامح الكل
وبتقارنوا الفزيا بكميا ليه خلى كل واحد فى طريق

ههههههههههههههههههههه
مش داخل حامى ولا حاجة دى حقيقة بس
على راى the princess
كل جوايز نوبل فى مصر رجاله

وكمان متزعليش نفسك كدا اوى
بتقولى الفيزيا سهلة هى سهلة ايوة بس الكيميا والاحياء اسهل من الفيزيا

انا معاكي نرمين ان المفروض منقارنش الفيزيا بالكيميا

المقارنة تبقي اخر السنة ان شاء الله بالمجموع بين الاتنين

لكن انا مش معاكي برينسيس في رايك ده

واتفضلي اقرؤا وقولو رايكم


دراسة بريطانية تقول ان الفتيات في سن الخامسة يتفوقن على الصبيان في جميع المجالات مما يؤكد إنهن أذكى واكثر نباهة.

ميدل ايسن اونلاين

وأفادت إحصاءات نشرتها وزارة التربية والتعليم البريطانية مؤخرا حول أهمية السنة الأولى في المرحلة المدرسية التأسيسية مؤخرا في سن الخامسة ان البنات يتفوقن على الصبيان في جميع المجالات مما يؤكد إنهن أذكى واكثر نباهة في مراحل التعليم التالية التي تشمل الابتدائية والثانوية والتعليم العالي.

وكشفت هذه الإحصاءات عن ان اعظم اختلاف بين الذكور والإناث في هذه المرحلة كان في التنمية الإبداعية حيث استطاعت البنات التعبير عن عواطفهن ومشاعرهن وأفكارهن بصورة افضل من الصبيان وتفوقت في استخدام مخيلتهن لسرد القصص والعزف الموسيقي بشكل أقوى واكبر.

واشار الخبراء الى ان الفجوة بين البنات والأولاد كانت اقل من ناحية فهمهم الحياة المحيطة بهم وهو ما يدل على ان البنات اكثر حساسية وتفهما لاحتياطات وعواطف الناس حولهم واكثر قدرة على التعلم واكثر تحمسا ورغبة في معرفة الأشياء وكيفية عملها.

منقوووووووول

ايه دا كل دا علشان كلمة قولتها خلاص البنات اذكى من الاولاد

يعنى قليل من البنات اذكياء لكن الاولاد اغلبهم طبعا

البرنسيس بتقول ان الاحياء والكميا اسهل من الفزيا
علفكره التلاته ميقلوش اهميه عن بعض او اسهل او اصعب من بعض
وانا مع محبه فى رأيها
ومعتقدش ان فى ولاد اذكياء يلا بقى

*__no0o0o0r__*

عامة يا جماعة ربنا يوفق الجميع
بس أنا رأيى إن زى ما فى بنات ممتازة واللى أنا مش منهم طبعاً فى ولاد ممتازين وبيذاكروا وبدليل إن فى دكاترة ومهندسين ومدرسين رجالة وأكيد مش كله بالكوسة
ولا إيه

ممكن يكون راي نور القمر صح بس اصلا فى طبيعه البنات بصفة عامه ان البنات يحبوا الحفظ عن الفهم ده طبعا مش كلهم على عكس الصبيان اللى بيلعبوا كتير عايزين فهم مش حفظ لانهم معندهمش وقت يحفظوا فيه اما البنات الوقت كتير ما شاء الله وعلى العموم فالله لا يظلم احدا وانما العبد هو من يستهين بقدراته وشكرا على الموضوع الجميل للغاية