والله زعلانة منكوا

السلام عليكم ورحمة الله تعالى وبركاته
إزيكم يا جماعة
النهاردة جيت أشتكى من البعض هنا
والكلام بجد مش هزار
أنا من مدة شفت حلقة فى برنامج شباب زينا
ولأنى متابعة البرنامج قيمت الحلقة دى إنها أحلى حلقة فى حلقاته كلها
طبعاً كلهم حلوين بس دى كانت أحسن حلقة
أدخل فى الموضوع
لما الحلقة دى عجبتنى قولت أنزلها على المنتدى وكنا وقتها فى الدراسة ولأنى معنديش برنامج تحميل سريع أضطريت أخلص ساعة الأسبوع بتاعتى على التحميل وأخدت أكتر كمان علشان أتاكد إن الحلقة كاملة

وبعد ما تعبت ونزلتها طلبت من ماستر إم إنه يثبتها
وإتنثبتت
المشكلة إن اللى دخلوا الموضوع بعضهم وعدنى إنه يشوف الحلقة والبعض الآخر أكتفى بالشكر
أرجوكم يا جماعة ياريت اللى وعدوا يوفوا بالوعد وياريت اللى شكروا يشوفوا الحلقة واللى مدخلش يدخل ويشوف الحلقة

على فكرة أنا مش عاوزة عدد الردود يزيد ولا الكلام ده أنا عاوزة شوية اهتمام بحلقة مش زى أى حلقة

وشكراً لاستماعكم وآسف لو كنت زعلتكوا أو طولت عليكوا
مع السلامة

والله ما يهون علينا زعلك أبدا يا قمر بس إيه إسم البرنامج أو حتي هونازل فين بالضبط؟؟

هو موجود على قسم الصوتيات والمرئيات
الموضوع مثبت
واسم الموضوع أتوسل إليكم أدخلوا
واسم البرنامج أصلاً شباب زينا
ميرسى جداً يا دلوعة إنك اهتميتى

شكرا ليكى نور القمر
بس انتى عارفه ان الجهاز بتاعنا صعب ان حاجه تتحمل عليه
وقلتلك والله يانور انى قعدت احمل الحلقه دى قبل كدة ووصلت لحد 98
والاخر قامت فاصله والجهاز بتاعنا علية فيروسات كمان يعنى الموضوع
بايظ خالص

والله يا نور انا مخدش بالى من الموضوع الا انبارح
بس انت عارفه انا مقدرش على زعلك
انا طول الليل انبارح بحمل فيها
ان شاء الله هسمعها

والله يا نور انا اول مره اسمع عن الحلقه دي لما شفت الموضوع ومتزعليش يا عسل لان احنا منقدرش علي زعلك

انا مدخلتش على الموضوع اصلا
والنت رخم عندنا بس هحاول بجد اشوفها
شكرا لكى نور على مجهوداتك

The PrinCeSs كتب:: شكرا ليكى نور القمر
بس انتى عارفه ان الجهاز بتاعنا صعب ان حاجه تتحمل عليه
وقلتلك والله يانور انى قعدت احمل الحلقه دى قبل كدة ووصلت لحد 98
والاخر قامت فاصله والجهاز بتاعنا علية فيروسات كمان يعنى الموضوع
بايظ خالص

شكر على إيه يا برنسيس؟!
والله مصدقاكى وعارفة موضوع التحميل والجهاز بتاعكوا لكن إنت مش مهم أنا ممكن أجيبهالك على الفلاشة
لكن الباقى هوصلهم إزاى سواء بنات أو ولاد والولاد بالذات
وبصراحة كان الله فى عونكم بسبب جهازكم ده

جنة الفردوس كتب:: والله يا نور انا مخدش بالى من الموضوع الا انبارح
بس انت عارفه انا مقدرش على زعلك
انا طول الليل انبارح بحمل فيها
ان شاء الله هسمعها

طبعاً يا جنة مصدقاكى
بس إنت فاهمة لما تكونى مستنية مناقشات عن حاجة معينة ومهمة
وحتى مش ضرورى مناقشات المهم الإفادة
أنا مش عاوزة ردود أنا عاوزة إنكوا تستفيدوا
والله هو كل ده وعاوزة اللى يوعد ينفذ وعده
وميرسى جداً على كلامك الجميل ده
وإن شاء الله تعجبك

Marmar كتب:: والله يا نور انا اول مره اسمع عن الحلقه دي لما شفت الموضوع ومتزعليش يا عسل لان احنا منقدرش علي زعلك

ميرسى يا مرمر لاهتمامك
وكلامك الجميل ده
وأتمنى إنك تشوفى الحلقة وتعجبك يا قمر

زهرة المدائن كتب:: انا مدخلتش على الموضوع اصلا
والنت رخم عندنا بس هحاول بجد اشوفها
شكرا لكى نور على مجهوداتك

شكراً جداً يا زهرة لأهتمامك
وأنا عارفة إن النت رخم عنكوا بس ياريت تحاولى

وبجد يا جماعة شكراً ليكوا جميعاً على اهتمامكم بجد فرحتونى وهتفرحونى أكتر لما تشوفوا الحلقة

لا يانور لو سمحتى والله العظيم
جهازنا جهاز محترم ومسمحش بأى اهانه ليه ابداااااااااااا

هههههههههههههههههه
ماشى يا ستى آسفة للجهاز بتاعكوا
ههههههههههههههههه

» لماذا تقلق والله ناظر اليك
» والله قرات رسلتك اكتر من مرة حتى عيني ادمعت