مسابقه للاذكياء فقط؟؟؟

ازيكو معايا ليكو موضوع جديد يا رب يعجبكو هنعمل مسابقه فكرتها ان كل واحد هيدخل يجاوب علو سؤال ويحط سؤال جديد وهكذا....
وكده الموضوع يفضل مستمر يللا انا هبدأ
ما هو الشئ الذى يستطيع الجري ولا يستطيع المشى؟؟؟

النهر
ما هو الكائن الذى يستطيع ان يدير رأسه بشكل دائرى ؟

ممكن تكون البومه مش عارفه كده صح ولا لاء؟؟
طب شوفى دى اخين مجموع عمرهم 3سنين و6شهور واحد اكبر من التانى ب3سنين يبقى كم عمر كل واحد فيهم؟؟؟؟؟؟

عمر الاكبر 3 سنين و3 شهور والتاني 3 شهور

ها اجابة صحيحة؟؟؟؟؟؟؟؟؟؟

صح يا محبة الايمان بس انتى ليه محتطيش سؤال جديد؟؟

كنت منتظرة اتاكد ان الاجابة صحيحة

سؤالي هو:

ما هو الشيء الذي إذا جمعته ( حصى ) وإذا تركته ( مشى ) وإذا طبخته ( عشاء)؟؟؟!!

البيض صح ولا غلط

ما هو الشيء الذي تحت قدمك إذا قطعت رأسه أصبح في فمك!!!؟

البيض يا محبة ويارب تطلع صح

وسؤالى

ما هو الشيء الذي تحت قدمك إذا قطعت رأسه أصبح في فمك!!!؟

ايه ده انتى جوبتى يا برينسس وانا بحط الاجابة بتاعتى وسبحان الله حطيتى نفس السؤال وانا والله منقلت منك حاجه ههههههههههه

صدفة لم تحدث لى من قبل والله

ما هو الشيء الذي تحت قدمك إذا قطعت رأسه أصبح في فمك!!!؟

(الطريق) احذف حرف ط تصبح ( ريق)

ما هو الشيء الذي تأكل منه مع أنه لا يؤكل؟!!!

وعلى فكرة اقسم بالله انى مشفت ردك ولا كنت اعرفه وانما هى مصادفة بحتة

شكرا ليكو كلكو على مروركو والاجابه هى الطبق
يا رب تكون صح ويكون الموضوع عجبكو

صح وشكرااا لكى على الرد بس انتى محطتيش سؤال

خدو بقه دى صعبه شويتين
راجل و سيدة ماشيين مع بعض

حماتها بتقول لحماته ياماما ( ماهي صلة السيدة بذلك الرجل ؟؟؟؟؟؟؟؟ )

أحمر وليس احمر واسود وليس أسود وأبيض وليس أبيض ؟

عادى يا دريمز نايت بتحصل فى احسن العائلات


البحر الحمر والبحر الابيض والبحر الاسود

كيف يمكن لهشام أن يقف خلف عمر وفي نفس الوقت يقف عمر خلف هشام ؟

لما يقفوا فى ظهر بعض
صح؟

ههههههههههههههه
برده محدش رد على سؤالى


راجل و سيدة ماشيين مع بعض

حماتها بتقول لحماته ياماما ( ماهي صلة السيدة بذلك الرجل ؟؟؟؟؟؟؟؟ )

بصي كده:
تبقي السيدة دي مرات ابنه ..

علشان مرات ابنه حماتها تبقي مراته وبكده تقول لحماته يا ماما ..

هو فيه حل تاني كده بس رخم ومعقد شوية ومتوقعش اني هاعرف اشرحه اصلا

بس اعتقد ان ده كده صح ..!

-------------------------------------------------
اللغز للي بعدي
التوأم الثلاث ,,,,

كان فى تلات بنات توائم .. أكبرهم بدقيقتين اسمها سارة و الوسطى اسمها منى و أصغرهم اسمها علا
1. الكبرى دايما تقول الحقيقة
2. المتوسطة دايما تكذب
3. الصغيرة أحيانا تقول الحقيقة و أحيانا تكذب

و فى مرة كانوا قاعدين جنب بعض على كنبة و خالهم دخل و طبعا مش هيعرف يفرق و لا يعرف مين تبقى مين..
سأل اللى على الشمال : مين اللى قاعدة فى النص ؟ قالت دى سارة
و سأل اللى فى النص : انتى ميين؟ قالت أنا علا
و سأل اللى على اليمين: ميين اللى فى النص ؟ قالت دى منى

طيب السؤال ايه بقه يا محبة

انا قلت السؤال اللي بعده
انظر للاعلي

هو السؤال انى احدد ال 3 بنات

اقتباس :

اللغز للي بعدي
التوأم الثلاث ,,,,

كان فى تلات بنات توائم .. أكبرهم بدقيقتين اسمها سارة و الوسطى اسمها منى و أصغرهم اسمها علا
1. الكبرى دايما تقول الحقيقة
2. المتوسطة دايما تكذب
3. الصغيرة أحيانا تقول الحقيقة و أحيانا تكذب

و فى مرة كانوا قاعدين جنب بعض على كنبة و خالهم دخل و طبعا مش هيعرف يفرق و لا يعرف مين تبقى مين..
سأل اللى على الشمال : مين اللى قاعدة فى النص ؟ قالت دى سارة
و سأل اللى فى النص : انتى ميين؟ قالت أنا علا
و سأل اللى على اليمين: ميين اللى فى النص ؟ قالت دى منى

اه معلش آسفة نسيت أكتب السؤال
السؤال بيقول مين قاعد فين ؟؟؟