ازاى نرجع دور المساجد

مشكووووره على هذا الموضوع الرائع

العفو بس يا ريت مكنش بتعبك لو طلبت منك الطلب ده
أرجوك تضيفلنا رأيك فى ازاى نرجع دور المسجد
علشان ناخد بالسبب اللى هتذكره ونحاول نصلحه

انا من راى مثلا انا اكون قاعد مع اصحابى مثلا وجيه وقت الصلاه انى اقوم فجاه عشان امشى هما يسالوا انا رايح فين اقولهم الجامع فاكيد هيتكسفوا وعلى فكرعفكره انا كدا قبل كدا ومنكرش برده انها اتعملت فيا وشكرا مره تانيه على الموضوع

مشكور على الموضوع

اولا شكراااا ليكى يا نور على مواضيعك المميزه
ثانيا يا جماعه نور قالت انها عايزه اراء

بصى يانور انا شايفه ان المساجد الناس مبقتش بتروحها اد كده لان السبب بيبدأ من الطفوله يعنى مثلا الطفل الصغير وهو لسه عيل يروح الجامع يلاقى الناس قاعده تجرى وراه بالمقشه ويقولوا العيال الصغيره تخرج بره
طب ده اما يكبر هيحب الجامع ازاى وهو اتربى من عنده وهو صغير ان الى فى الجامع وحشين ومتوحشين وبيضربوا العيال الصغيره
فممكن نحبب الطفل فى الجامع واما يكبر اكيد هخيحب الجامع برده وبكده
اكيد هنرجع دور الجامع والمساجد
تخيلى لو اتعملت مسابقه فى الجامع اعلنوا فيها ان الاطفال الى هيصلوا الصلوات الخمسه بانتظام هيتكرموا وهيكون ليهم جوايز اكيد الاولاد هيتشاكلوا مين الى هيروح الجامع الاول مش بس كده دول اكيد اباهتهم هيروحوا معاهم كمان تخيلى بقى ناااس اد ايه هتروح تصلى


احب اشكرك تانى على الموضوع

زى ما قلتلك يا برنسيس أنا عملت الموضوع ده فى مكان تانى وشوفت ردود كتير
بجد وبأمانة مفيش رد أو سبب كان مختلف زى ردك وكمان عجبنى أوووووووووووى
وكمان الحل متميز
بجد ومن كل قلبى ربنا يجازيكى كل خير

شكرااااااااا ليكى ده من زوقك ديما بيقولوا عليا كده

شكرا علي الموضوع

وانا متفقة مع برينسيس

بس برده المفروض انا الاهالي مياخدوش اولادهم غير لما يبداوا يعوا ولو بشكل جزئي

معلش هاكمل الرد بعدين

شكر على الموضوع

مع احترامى لرأيك انا مش متفقه معاكى لان الطفل مثلا بيبدأ يقلد او يستوعب من سن سنتين او سنه كمان فهو اما يتعود وهو صغير اكيد هيحبها اما يكبر

ماشي وهو فاهم شوية لكن في آباء وامهات بياخدوا اولادهم المسجد وبيقعدوا يعيطوا ومبيبصوش علي المصلين اصلا وده بيكون فيه تشويش علي المصلين

وكمان الاباء والامهات دول بيكونوا مشغولين باولادهم اثناء الصلاة

انا مش ضد ان الاولاد يروحوا المسجد بالعكس بس يروحوا وهم فاهمين

او علي الاقل ندربهم علي الصلاة في البيت الاول ويكفي ان الولد يشوف والده كل يوم وهو رايح المسجد ولو في البداية بس علشان يحب المسجد

وممكن نكثر من المسابقات ذات الجوائز في المساجد

عارفين ايه كمان سبب ان الاطفال مش بيحبوا يرحوا المسجد اول ما يرحوا ويروحوا بدرى علشان هم مبسوطين انهم يقفوا فى الصف الاول تلاقى الناس الكبار يقولولهم يا حبيبى ابعد من هنا روح صلى ورا يقول انا عاوز اصلى هنا يقوم الراجل الكبير يقولوه انا قلتلك ارجع ورا اسمع الكلام وامشى من هنا يعنى هو خلاص الايمان مقطع بعضه الطفل طبعا بيضايق وبيبعد ونادرا بعد كده لما بيروح
وكمان كتير من الناس مبيصلوش وطبعا هم قدوه للاطفال فبالتالى الاطفال بيقلدوهم ومبيدخلوش المسجد او نادرا لما بيصلوا

يبقى علشان المساجد تتملى من تانى لازم نعامل الاطفال كويس يعنى الطفل لو جه ووقف فى الاول مش ذنبه انك تكاسلت فى الصلاه وبعدين هو مش اغنى من الثواب عن الرجل الكبير
ثانيا لازم نوعى الناس باهميه الصلاه
تعرفوا ان فى احد العصور التى كان المسلمون فيها متخلفين عن التقدم وكانوا محتلين كا احد قاده الانجليز بيقول لوزيره اذهب كل يوم الى المساجد فى صلاه الفجر لو امتلئت المساجد كما فى صلاه الجمعه فاننا سنهزم فلو كل واحد عرف اهميه الصلاه فى المسجد معتقدش انه هيسيب الصلاه

مشكوووووووورة نور على مجهودك الرائع

شكراً لأرائكم جميعاً
وممكن أقول إنى مع محبه فى ايه إننا ف الأول يعنى سنتين أو أكتر شويه نعلمهم فى البيت ومش ناخدهم المسجد ليه
لأن فى أطفال بيقعدوا يلعبوا فى المساجد أنا أخويا قالى إن فى طفل كان جه مع باباه المسجد فى يوم ومشى على الصفوف كلها قعد يضرب الناس بالقم على وشهم
فلازم قبل الطفل ما يروح يكون عنده دراية بالمكان اللى رايحه الأول وعارفه ازاى يحترم بيوت الله
ومتفقة مع زهرة تماماً لأن فى بعض الشيوخ بيقعدوا يقولوا كتيييييييير أوى قبل الاقامة الأطفال يرجعوا ورا غلط إننا نطفى جوه الطفل حبه للمسجد
وشكراً لمرورك يا ريمى وشكراً لمروركم جميعاً
وبجد شكراً أكتر على المناقشة الجميلة دى