السلام عليكم ورحمة الله وبركاته
ازيكم يا احلى اعضاء بأحلى منتدى كل سنة وانتوا طيبين
فكرة الموضوع ده ان كلنا هنتناقش في اخبار الكورة والاخبار اللي بنسمعها اليومين دول واللي ترفع الضغط وتجيب السكر
((بعد الشر عليكوا هما جولي لسه المرارة بس لو الاهلي فضل كده))
انا هبدأ معاكم في المناقشة وهنبتي في الموضوع اللي جاب الضغط لكل الاهلاوية موضوع حسام البدري
انا من رأي يا جماعة اننا نصبر على الاهلي وحسام البدري شوية
((واعلم أن الأمة لو أجتمعت على أن ينفعوك بشئ لم ينفعوك إلا بشئ قد كتبه الله لك وإن أجتمعواعلى
أن يضروك بشئ لن يضروك إلابشئ قد كتبه الله عليك ))
يعني كل شيء بأمر ربنا واللي مقدرة ربنا هو اللي هيكون واحنا مسلمين ولازم نصبر على السراء والضراء فما بالك الاهلاوية اللي مؤمنين بربهم وعارفين ان النادي بتاعهم نادي القرن وحاصد البطولات ونادي عظيم وهو ده الاهلي ساعة حلوة وساعة مرة دايما الاهلي تحت عدسة الحساد الغيورين من نجاحة علشان كده الاهلي دايما بتعدي عليه اوقات صعبة كتير وأزمة وهتعدي
جماهير الاهلي المشهورين بالصبر على الازمات اللي دايما بيقولوا
اووو اوو اوووو جمهورالاهلى دا حماه
اووو اوو اوووو على الحلوه والمره معاه
عمرى ما احب غير الاهلى
ولا فى غيره يفرحنى
دايما معاه ولاخر الكون
عمرى علشان الاهلى يهوون
ودايما بنقول على الحلوة والمرة معاك ليه بأه اعرف ان ناس بدل ما كانت بتقول اهلاوي وافتخر دلوقتي تقول شيباوي وافتخر ونسئلهم ليه تقول انا مع الاقوى طب ما الاهلي الاقوى بس في ازمة يبقى نقف معاه في الازمة دي ولا نسيبة ونتخلى عنه ونبقى ضد البدري ومش طايقينة لازم ما ننساش ان البدري ده كان في يوم من الايام سبب في فرحتنا مع الاتحاد الليبي والزمالك وحرس الحدود وغيرهم وغيرهم وغيرهم أخدنا معاه الدوري والسوبر
يعني هو كان في يوم من الايام سبب في سعادتنا ليه احنا نكون في يوم من الايام سبب في حزنة
احنا من المفروض نرفع معنوياته ومعنويات الفريق مش نتخلى عنهم ونخذلهم
وانا بمر في موقع من المواقع لقيت جملة استفزتني جداً طبعا اللي كاتبها بتريق الجملة بتقول
البدري يطمئن عشاقة من المحيط الى الخليج\لن أتقدم باستقالتي من منصبي بالنادي الأهلي!!
لا تعليق
ابدأوا المناقشة
الرئيسية 
البوابة 
أحدث الصور 
التسجيل 
دخول 
تسجيل دخول الاعضاء 
الأربعاء نوفمبر 10, 2010 7:56 pm
