كلمات خطيرة ... لازم نتجنبها ... انتبه !!!

عَنْ أَبِي هُرَيْرَةَ رضي الله عنه أَنَّهُ سَمِعَ رَسُولَ اَللَّهِ صلى الله عليه وسلم يَقُولُ: إِنَّ اَلرَّجُلَ لَيَتَكَلَّمُ بِالْكَلِمَةِ، لَا يُلْقِي لَهَا بَالاً، يَهْوِي بِهَا فِي اَلنَّارِ، أَبَعْدَ مَا بَيْنَ اَلْمَشْرِقِ وَالْمَغْرِبِ .



لذلك:


اليكم كلمات خطيره جدا تودى الواحد فى داهيه وهو مش واخد باله وللأسف كتير مننا بيقولها ومش فاهم معناها .......


لذلك انا جيبالكم النهارده كلمات لازم لازم نتجنبها مش هطول عليكم .


اليكم الأن ....................



·(( يدى الحلق للى بلا ودان))


وسبب التحريم ان الكلمه دى معناها انك بتعدل على ربنا فى تقسيم الرزق وده طبعا حرام وكفر بنعمة الله عليك لانك مش راضى بللى ربنا قسمهولك.




·((فلان ربنا إفتكره))


وسبب التحريم ان الكلمه دى معناها ان ربنا كان ناسيه ولما إفتكره خده ، بقى ده كلام بالله عليك. حرام طبعا لان ربنا ما بينساش حد اصلا .



((ورحمة أبويا و امى))



وسبب التحريم انك بتحلف بغير الله ودى كلمات من الكفر وليعاذ بالله.

فعن ابن عمر رضي الله عنهما عن رسول الله صلى الله عليه وسلم: أنه أدرك عمر بن الخطاب في ركب وعمر يحلف بأبيه فناداهم رسول الله صلى الله عليه وسلم:ألا إن الله ينهاكم أن تحلفوا بآبائكم فمن كان حالفا فليحلف بالله أو ليصمت متفق عليه.


و في لفظ آخر من حديث ابن عمر، من حلف بشيء دون الله فقد أشرك



·وكذلك من يحلف قائلاً (( والنبى ، والكعبه الشريفه ، وحياتى ، والختمه الشريفه ))


طب نعمل ايه وكلمة والنبى فى لسانا عالطول، لما تقولها قول لا إله إلا الله مباشرة وعود لسانك ان مش تقولها تانى .



·((لا حول الله يارب ))


اما دى بقى مصيبه لانك كده بتقول ان ربنا مالوش لاحول ولا قوه ، والكلمه دى بتتقال لما واحد يحصله كارثه او مصيبه او ابتلاء فتلاقى اللى قدامه قال لا حول لله ود غلط كبير اوى.


اومال تقول ايه ؟؟؟؟؟؟؟؟؟؟


تقول "لاحول ولا قوة الا بالله"



((ده احنا زرنا النبى ))

وسبب التحريم انك بتشبه الضيف اللى زارك بالنبى وده بردو غلط. هى صحيح زيارة هذا الشخص طيبه وجميله لكن مش لدرجة انك تشبهه بالنبى، اذاً معنى ذلك ان كل واحد هيزورك هتقوله الكلمه دى ، طب وهل ده صح ، طبعا لأ .




((يلعن ابو الزمن))

ودى بردو كلمه مصيبه لانك بتلعن الزمن !!!!!!!!



أوتدرى يا اخى من هو الزمن(الدهر) ؟؟؟؟؟؟؟؟؟؟؟؟


الزمن هو الله ألم تسمع هذا الحديث عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .


ومنها رواية للإمام أحمد : ( لا تسبوا الدهر فإن الله عز وجل قال : أنا الدهر الأيام والليالي لي أجددها وأبليها وآتي بملوك بعد ملوك ) وصححه الألباني .


جاء الحديث بألفاظ مختلفة منها رواية مسلم : "قال الله عز وجل : يؤذيني ابن آدم يقول : يا خيبة الدهر ، فلا يقولن أحدكم : يا خيبة الدهر ، فإني أنا الدهر أقلب ليله ونهاره فإذا شئت قبضتهما ".


ولهذا أثبت الله الأذية في القرآن الكريم فقال تعالى : {إن الذين يؤذون الله ورسوله لعنهم الله في الدنيا والآخرة وأعد لهم عذابا مهينا }(الأحزاب 57)، ونفى عن نفسه أن يضره شيء فقال تعالى : {إنهم لن يضروا الله شيئا } ( آل عمران 176) ، وقال في الحديث القدسي : ( يا عبادي إنكم لن تبلغوا ضري فتضروني )رواه مسلم .



·((الزمن غدار ))


وسبب التحريم لنفس السبب السابق.



فى بقى حاجه كمان سمعتها فى اغنية عبد الحليم حافظ من زمان لانى الحمد لله خلاص قاطعت الاغانى بس افتركتها فقولت اقولكم عليها لحسن ترددوا الاغنيه وانتم مش واخدين بالكم


فى اغنيه من اغانيه قال كلمة (( قدر احمق الخطا )) ..... استغفر الله العظيم


انا مش هتكلم فيها كتير........ بس بدعيله ربنا يسامحه عليها .... ماهو القضاء والقدر من الله يبقى ازاى يقول كده فربنا يسامحه بقى .وسبب التحريم لنفس السبب السابق ايضاً .



انتهى الجزء الاول


( تتبع )


ــــــــــــــــــــــــــــــــــــــــــ


الجزء الثانى


اليكم كلمات اخرى شائعه فى مجتمعنا احذروها .................



- نجد الكثير من النساء خاصة يقولن .....


(اسم النبى حراسه وصاينه)


ودى كلمه حرام لانها بالشكل ده نسبت حماية هذا العبد للنبى يعنى ان النبى هو اللى حاميه وطبعا هنا فيها انكار لحفظ لله لعبده.
وان اللى بيحمى ويحرص الخلق اجمعين هوالله وحده لا شريك له الذى لا يغفل ولا ينام
. وقد سُهي على قائل هذه الكلمه قول الله تعالى : { وَرَبُّكَ عَلَى كُلِّ شَيْءٍ حَفِيظٌ} ، {إِنَّكَ مَيِّتٌ وَإِنَّهُم مَّيِّتُونَ} [الزمر : 30].




- وتجد العديد من الناس يقولون ..........


(مدد يا سيدى الحسين او مدد يا رسول الله...... وماشابه ذلك)


وطبعا بردو ده حرام ، ذى بردو اللى بيروح يدعى عند اولياء الله الصالحين والموتى من الانبياء ويتبارك بهم فهذا يعد من الشرك الاكبر .


ولكى تتأكدوا لديكم هذه الفتوى


السؤال :
ما مدى صحة من يقول مدد يا رسول الله؟


الجواب :
هذا الكلام من الشرك الأكبر، ومعناه طلب الغوث من النبي- صلى الله عليه وسلم- وقد أجمع العلماء من أصحاب النبي صلى الله عليه وسلم- رضي الله عنهم- وأتباعهم من علماء السنة على أن الاستغاثة بالأموات من الأنبياء وغيرهم، أو الغائبين من الملائكة ، لقول الله عز وجل:{وَأَنَّ الْمَسَاجِدَ لِلَّهِ فَلا تَدْعُوا مَعَ اللَّهِ أَحَدًا}[1]،وقوله سبحانه: {ذَلِكُمُ اللَّهُ رَبُّكُمْ لَهُ الْمُلْكُ وَالَّذِينَ تَدْعُونَ مِنْ دُونِهِ مَا يَمْلِكُونَ مِنْ قِطْمِيرٍ * إِنْ تَدْعُوهُمْ لا يَسْمَعُوا دُعَاءَكُمْ وَلَوْ سَمِعُوا مَا اسْتَجَابُوا لَكُمْ وَيَوْمَ الْقِيَامَةِ يَكْفُرُونَ بِشِرْكِكُمْ وَلا يُنَبِّئُكَ مِثْلُ خَبِيرٍ}[2].





- ايضا مثل ذلك من ينذر نذرا ( ندر يعنى ) فتجده
(ينذره للسيده عائشه او فاطمه او غيرهم من بيت النبوة او اصحاب النبى صلى الله عليه وسلم).


بردو حرام لان الواحد مفروض يطلع اللى عايزه لله فقط مش عشان حد تانى حتى لو كان من اهل بيت رسول الله ( صلى الله عليه وسلم).


والدليل فى هذه الفتوى :


السؤال :
ما حكم النذر لغير الله؟


الجواب :
هذا النذر باطل لأنه عبادة لغير الله، وعليك التوبة إلى الله من ذلك، والرجوع إليه، والإنابة والاستغفار، والندم، فالنذر عبادة، قال الله تعالى: وَمَا أَنفَقْتُم مِّن نَّفَقَةٍ أَوْ نَذَرْتُم مِّن نَّذْرٍ فَإِنَّ اللّهَ يَعْلَمُهُ[1]، يعني: فيجازيكم عليه، وقال النبي صلى الله عليه وسلم: ((من نذر أن يطيع الله فليطعه، ومن نذر أن يعصي الله فلا يعصه))[2].


فهذا النذر نذر باطل، وشرك بالله عز وجل فضلاً عن أن النذر لأحد الأئمة الأموات نذر باطل وشرك بالله.


فالنذر لا يجوز إلا لله وحده؛ لأنه عبادة، فالصلاة والذبح والنذر والصيام والدعاء، كلها لله وحده سبحانه وتعالى كما قال سبحانه وتعالى: إِيَّاكَ نَعْبُدُ وإِيَّاكَ نَسْتَعِينُ[3]، وقال سبحانه: وَقَضَى رَبُّكَ أَلاَّ تَعْبُدُواْ إِلاَّ إِيَّاهُ[4]، يعني أمر ألا تعبدوا إلا إياه، وقال سبحانه وتعالى: فَادْعُوا اللَّهَ مُخْلِصِينَ لَهُ الدِّينَ وَلَوْ كَرِهَ الْكَافِرُونَ[5]، وقال عز وجل: وَأَنَّ الْمَسَاجِدَ لِلَّهِ فَلَا تَدْعُوا مَعَ اللَّهِ أَحَدًا[6].





- وتجد اناس يقعون فى خطأ كبير وهو على سبيل المثال :
ان تجد شخص يعبر الشارع وكادت سياره ان تدهمه ولكن جاء شخص اخر باعده عنها فتجده يقول له( يااااه لولاك يا اخى كنت الوقت مُت ) او ( الفضل يرجعلك فى انقاذى ).


والغلط فى كده انه نسب انقاذه من الموت للشخص ده وهو انسان ضعيف ليس له حول ولا قوة، ونسى ان كل الفضل فى انقاذه يرجع لربنا وحده لا شريك له ، لذلك وضع هذا الشخص فى طريقه لانقاذه وابعاده عن السياره التى كانت ستقتله. لذلك كان المفروض على الشخص الذى تم انقاذه ان يقول ( الحمد لله الذى وضعك فى طريقى لانقاذى).




- تجد ايضا اناس كثيرون يقولون .......... مثلا يعنى :
( ياه ده الامتحان كان صعب جدا ،( لو ) وخد بالك من الكلمه دى( لو ) ربنا خد بيدى ونجحنى ده انا أصلى ركعتين او أطلع قرشين).



هتسألنى تقولى .....


طب ما هو الراجل كلامه نضيف اهو ايه الغلط فى كده ؟؟؟؟؟؟؟؟؟؟؟؟؟؟


هقولك انه كده كأنه بيشترط على الله ومعنى كلامه ، انك ياربى لو نجحتنى هصلى او هطلع فلوس ما نجحتنيش لا هصلى ولا هطلع فلوس . شوفت بقى انها كلمه خطيره ازاى، يعنى كلامه يحمل الشرط اولا ثم الفعل .





- وهناك اشخاص عاشقون الصحف والمجلات تجدهم يأتون بالصحيفه كل يوم واول صفحه يفتحوها هى (حظك اليوم) بغض النظر عن صفحة الحوادث يعنى . ولو طلع حظه جميل ومريح تلاقيه استقبل اليوم بطلاقة وفرح ومرح ، ويا سلام لو طلع مثلا فى حظه هيجيلك فلوس النهاردة تلاقيه طول اليوم مستنى الفلوس دى ، اما لو مثلا طلع حظه فيه كلمة احذر او خلى بالك او احرص على نفسك او هتجيلك مصيبة النهاردة . تلاقيه اتشائم وخاف واى حاجه تحصله يخاف ويترعب بسبب الكلمة دى .


اهو ده حرام جدا ....


هتقولى لا . ده الناس بتشوف حظها كنوع من حب الاستطلاع يعنى مش هيصدقوها .


هقولك بردو غلط لانه بعد كده هيدمنها. واى جريده هيشوفها هيجرى عليها ويشوف حظه ويبئه مدمن الحكاية دى ويعيش على كده مستنى حظه فى الجرايد.


ممكن تقولى لأ بس كتير من كلام حظك اليوم ده بيطلع صح فعلا...


هقولك ....


"كذب المنجمون ولو صدفوا"





انتهى الجزء الثانى
الجزء الثالث




اليكم الجزء الثالث من الكلمات الشائعه فى مجتمعنا ونرددها بلا فهم رغم انها حرااااااااام جدا...





* كتير من الناس بيقولوا....



(انا بحب المغنى الفلانى او بعشق الممثل العلانى )



طب وايه الحرام فى كده .... هقولك بس اسالك سؤال تحب تحشر مع من فى يوم القيامه ؟؟؟


اكيد مع الرسول طبعا (صلى الله عليه وسلم) هى دى عايزه كلام



إذاً مش لازم خالص تقول انا بحب الممثل ده او المغنى ده .... < لأن المرء مع من احب > وطبعا انت ما تتمناش انك تكون مع مغنى او ممثل .


طب اومال تقول ايه ؟؟؟؟؟؟؟


قول انا بستلطفه او بسمعله او اى شىء اخر غير كلمة بحبه او بعشقه دى...
ونصيحه منى ماتسمعش اغانى من اصله ، عشان الشياطين تبعد عنك واسمع قران او اناشيد دينية احسن بدلا منها وربنا يهديك ويهدينا جميعا.




* فى ناس بتحلف بحق العيش والملح والاخوة والصداقة وحاجات تانية واحنا وضحنا فى الجزء التانى ان الحلفان بغير الله يعتبر من الشرك ، لكن بئه الغريب انك تلاقى واحد يقول....


( بحق اللى خلقك من غير مناسبه او من غير لازمه).



ودى كلمة فى غاية الخطورة، لان معنى الكلمة دى ان ربنا خلق هذا العبد على سبيل العبث او اللهو اى من غير مناسبه ومن غير لازمه ، وده غلط كبير اوى ان الواحد يقول كده ، لان ربنا سبحانه وتعالى ما بيخلقش اى حاجة على وجه الارض او فى الكون كله الا بقدر معين وبنسبة محسوبة وحسوسة لو زادت او نقصت يحصل خلل، وكل شىء من صنع الله له لازمة وله رسالة وهدف يؤديه فى حياته حتى لو كان المخلوق ده ( دودوة ) .


ده حتى نص الدعاء بيقول " ربنا ما خلقت هذا باطلا سبحانك"
يبقى ازاى ربنا خلقنا بئه من غير لازمه واحنا خلفاءه فى الارض واحنا اللى بنعمر الارض ونبنيها.


يبقى المفروض ما نقولش خالص الكلمه دى لا على الانسان ولا على الحيوانات ولا الحشرات ولا اى مخلوق فى الدنيا .





* بردو فى ناس تلاقيها تقول ايه ( وحياة اغلى حاجه عندك ) .



وده غلط عشان كده هو ممكن يوقعه فى الشرك لانه بيحلفه باغلى حاجة عنده، واحنا اتفقنا ان الحلفان بغير الله من الشرك . فالمفروض يقوله استحلفك بالله كى لا يوقعه فى الشرك .




* بردو شىء اخر لفت نظرى هو انك تلاقى واحد يقول للتانى...



( تصدق بمين او تؤمن بأيه )



لا اله الا الله هو الواحد عنده حاجه تانيه يؤمن ويصدق بيها غير ربنا ؟؟؟
فالمفروض يقوله < تصدق وتؤمن بالله> كى لايقع فى الشرك. صح وله ايه ؟؟





* كمان فى حاجه خدوا بالكم منها فى اذكار الصباح والمساء بنقول ...



( رضيت بالله ربا وبالاسلام دينا و بسيدنا محمد نبيا ورسولا كريما )



ماتقولش كريما اقف لحد رسولا بس ، والحقيقه انا مش عارفه ليه بس سمعتها من الشيخ قالها فى التليفزيون ، لكن ماعرفتش السبب . فياريت اللى يعرف ينورنا ...





*ايضا تجد ناس كتير بتقول ( ده كان يوم شؤم دى كانت ساعه ذفت ، الله يخرب بيت اليوم اللى اتولدت فيه .............. وكلام كتير اوى من ده ) صح مش بتسمع كده بردو .. بردو اللى بيقول ( يانهار اسود او كوبيه ................ وما شابه ذالك)


اهو كده هو سب الدهر واحنا اتفقنا ان الدهر = الله سبحانه وتعالى





* فى ناس بقى بيقولوا الكلمه دى ( الجواز مشروع فاشل )



ياراجل حرام عليك ...


ليه كده ؟؟ مش ربنا حلل الزواج فى القرآن فى كذا سورة ووضح لنا اسس الزواج والبيت الاسلامى ، وحق الزوج والزجه والابناء كمان ، طب اذاى توصف حاجه ربنا معززها وذاكرها فى القرآن بالفشل؟



فخلى بالك بقى لان الكلمه دى كترت . وحذر اى حد يقولها وانصحه بأنه مايقولهاش تانى .





*كمان حاجه كلنا بنقع فيها هى اننا دايما لما بنذكر اسم الرسول فى اى موضوع بنكتب(صلى) او( ص) كأختصار لكلمة صلى الله عليه وسلم.



وده حرام لانك بتنقص من قدر الرسول !!!!!!!!!



كده بردو بقى حبيبك وشفيعك فى يوم الدين تستخصر تصلى عليه ده ربنا عز وجل بيصلى عليك عشرة لما تصلى على الرسول مره ، يبقى انت بقى مستخصر فى نفسك الثواب العظيم ده كله ولا فى مين بالظبط ؟؟


و كمان خلى بالك الرسول صلى الله عليه وسلم قال( البخيل من ذكر اسمى عنده ولم يصلى علي )



فلازم تصلى عليه وتكتبها كامله وتقولها كمان كاملة وواضحة هكذا < صلى الله عليه وسلم >.


والا هتكون بخيل انت حر .




* ايضا ما تتدعيش على حد وتقوله ( نهارك مطين او يخرب بيتك او عقلك ..........).



لانك لما بتتدعى لحد او على حد فى ملاك بيقولك امين ولك مثله


وطبعا انت ماتتمناش ان يحصلك حاجه وحشه ، كمان احنا مسلمين والمسلم يحب لاخيه المسلم ما يحبه لنفسه.


فاحسن قوله روح الله يسامحك ، ولو زعلان منه اوى احتسب اجرك عند ربنا وقول حسبى الله ونعم الوكيل ، مش احسن بردو ولا ايه؟؟





* فى بئه حاجه كمان لفتت نظرى فى ناس بتقول عن النساء( دول ناقصات عقل ودين).



هى مش حرام ولا حاجه بس فاهمين غلط كلنا فاهمين ان الكلمه دى معناها ان النساء متخلفين وعقلهم صغير رغم ان المعنى المقصود غير كده خالص .... لان معناها الحقيقى ان ناقصات عقل بمعنى ان عند الشهاده فى المحكمه مثلا او لما تكون المراة شاهدة فى امضاء العقود فلازم يكون فى واحده كمان معاها يعنى مثلا رجل وامراتان يعنى الرجل بإمرأتان ، اما ناقصات دين فهى لان ياتى عليها فترة تمنع من الصلاة وقراءة القرآن .




* بردو شىء اخر اللى بيقول( ده كله من خيرك او ده كله بفضلك او ده لحم كتافى من خيره ..........وما شابه ذالك)



الكلمة دى حرام اوى، لانه نسب سبب النعمه اللى هو فيها لشخص اخر غير الله وانكر فضل الله عليه ، مع ان ربنا هو العاطى وهو اللى بيسبب الاسباب ، فطبعا ده نوع من انواع الشرك والجحود واليعاذ بالله . فبالله عليكم تجنبوا الكلمة دى تماما .





*وكتير اوى مننا يقول( انا واقع تحت رحمته ، لا يرحم ولا يسيب رحمة ربنا تنزل )



فى الامر الاول حرام عشان كده هو منتظر رحمة البشر ونسى رحمة ربنا وده غلط وبالتالى جعل لله سبحانه وتعالى نداً فى صفة الرحمة المنُتظرة، لان ربنا بس هو اللى بنطلب منه الرحمه مش من البنى ادم ، فمش لازم ابدا حد يقول انا واقع تحت رحمته.



اما الامر الثانى فكده هو جعل لرحمة الله شىء يمنعها من النزول وطبعا كلنا عارفين لا مانع لعطاء الله لعبده شىء. "و قل لن يصيبنا الا ما كتبه الله لنا ".




انتهى الجزء الثالث

الجزء الرابع


اليكم الجزء الرابع من الكلمات الشائعه الخاطئه فى مجتمعنا.



- كتير اوى من الناس لما يبتلوا بمصيبة او كارثة ذى الموت ويكون سبب الموت مثلا حادثة سيارة حفظنا الله واياكم من الكوارث و موت البغته والموت على المعاصى لا قدر الله .المهم اننا بنسمع الجملة دى ( يمكن لو مكانش خرج من بيته ماكنش مات )

استغفر الله العظيم

طبعا الكلمه دى غلط لانه لا يمنع كلمة الله اى شىء . قائل هذه الجملة لم يسمع قوله تعالى{ قل لن يصيبنا الا ما كتبه الله لنا }

و لما يتعمل بقى العزاء مثلا تلاقى الناس بتعزيه فتقوله كلمة ( البقيه فى حياتك ) ، والتانى يرد يقوله ( حياتك الباقيه )

والكلمه دى حرام جدا جدا لان كده معناها ان الشخص اللى مات مات قبل اوانه ، اى ان كان فى عمره بقيه لكن ربنا توفاه قبل مايكمل بقية عمره !! طب ده كلام ؟؟ . والتاني يقوله حياتك الباقيه ، طب ده على اى اساس يا ناس، على اساس انه هيخلد فى الدنيا ومش هيموت ، ولا ايه ؟؟؟ والله الكلام ده خطير يا جماعة رغم اننا بنقوله كتير ومش فاهمين معناه وفاكرينه بسيط لكنه عند الله عظيم. فخلو بالكم الله يكركم.

لكن .................. الصح ان الواحد يقول البقاء لله فالتانى يقول كلنا لها .

هى مين دى اللى كلنا لها ، هى الاخره يعنى انت ميت وانا ميت وهم السابقون ونحن اللاحقون ، فالموت علينا حق.



- بردو كلمه ذيها ( ده اتخطف من الدنيا ) ، ( ده مات ناقص عمر ) كلها كلمات حرام × حرام لنفس السبب لان الواحد مابيموتش ناقص عمر ولا بيموت قبل اوانه.


- كتير اوى من الناس تلاقيهم بيعملوا حاجات كده عشان الحسد ذى ( العين الزرقاء ، والكف ، والبخور ) .

ايه هو البخور كمان حرام ؟؟؟؟؟؟؟؟؟؟؟؟؟؟؟؟

اقولك والله الشيخ قال البخور طيب وحسن من اجل إبعاد الشياطين من دخول المنزل، ليس لمنع الحسد والعين لانها مش هى دى الرقيه الشرعيه .

اومال ايه الرؤيه الشرعيه ؟؟؟؟؟؟؟؟


عايز تعرف الرقية الشرعية ، عليك بزيارة هذا الموقع
[ندعوك للتسجيل في المنتدى أو التعريف بنفسك لمعاينة هذا الرابط]

اما بقى بالنسبه للعين الزرقاء والكف فدى من البدع و { شر الأمور محدثاتها وكل محدثة بدعة، وكل بدعة ضلالة، وكل ضلالة في النار }.



- و فى ناس بئه وخصوصا النساء ( تشوف الفنجان وتقرأ الكف ............... وماشابه ذلك )

فاكرين انه بكده هيعرفوا الغيب او بيشوفوا حظهم . بردو حرام حتى لو طلع صح اللى هى شافته وقالته .

بس تسالنى تقولى ده بيطلع صح والله ؟

اقولك ماهو الشيطان بيخليها تشوف كده وتفسره بالطريقه اللى هى شافتها دى عشان يهيأ لها انه الكلام ده صح، وتتغر فى نفسها وتحس انها حاجه خارقة ومافيش حد قدها فى تفسير الفنجان وبكده تعصى الله وتخرج عن طاعته وتدخل فى دائرة الشيطان.



- ( ده لا عاش ولا كان اللى يقف قصادك ، ده لسه ما اتخلقش اللى يقول عليك كده ........ وماشابه ذلك من الكلام)

صح مش بتسمع الكلمه دى كتير فى مواقف مختلفة.

طب ايه الحرام فيها؟؟؟؟؟؟؟؟؟؟؟؟؟؟؟؟

حرام لانه كده اعطى قدر للشخص ده اكبر من قدره لدرجة ان مايصحش ربنا يخلق واحد يتعدى عليه كمان الكلمة بتحمل فى معناها الكبرياء والتعالى.



- ( دى روحى فى كف عفريت)


ودى حرااااااام جدااااااا لان الروح فى ايد اللى خلقها يبقى عفريت ايه بس ، وبعدين عفريت ايه اللى انتم فاكرين انه بيعرف الغيب ويقدر يتحكم فى الواحد والكلام ده كله،

ده سيدنا سليمان عليه السلام لما مات ، الجن ماعرفتش انه مات الا لما سقت من على العصى اللى كان ساند عليها.

وماعرفوش كده الا بعد سنين طويلة واللى عرّفهم سوس الارض!!!

اه سوس الارض ، لما سيدنا سليمان كان جالسا وفى يده العصى وكان ساند عليها فجاءه ملك الموت وقبض روحه ولكنه ظل هكذا سنوات وقتها اصبح سوس الارض ياكل العصى حتى خوت وعندئذن سقط سيدنا سليمان على الارض فعرفوا انه مات، فقال تعالى : { فَلَمَّا قَضَيْنَا عَلَيْهِ الْمَوْتَ مَا دَلَّهُمْ عَلَى مَوْتِهِ إِلَّا دَابَّةُ الْأَرْضِ تَأْكُلُ مِنسَأَتَهُ فَلَمَّا خَرَّ تَبَيَّنَتِ الْجِنُّ أَن لَّوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ }.

شوفت بقى ان العفاريت والجن مايعرفوش الغيب ازاى لو كانوا يعرفوا ماكنوش فضلوا فى عذابهم طول المده دى كلها .



- ( اللى يحتاجه البيت يحرم عالجامع )

كلمه للاسف انتشرت كتير اوى عشان الواحد مايطلعش حاجه للجامع ولا حول ولا قوة الا بالله.

مع ان المفروض يقول اللى محتاجه الجامع يحرم عالبيت،
ياجماعه ماشوفتوش الصحابه كانوا بيعملوا ايه، كانوا بيحرموا نفسهم ويتصدقوا بكل ما لديهم للفقراء. والنماذج على كده كتيييييرة جدااااااا واكيد احنا عارفينها بس ناسينها. فتجنبوا الكلمه دى ولا تعملوا بها. بارك الله فيكم .



- فى ناس بتعمل حاجة غريبه اوى ( بتقبل الفلوس!!! )

هم معتقدين ان بتقبيل الفلوس يبئه كده بيشكروا الله على النعمه لا بالعكس ده غلط .
لان شكر الله مش كده انما المفروض شكر الله بأن الواحد يصلى ركعتين شكر لله ، او ان الواحد يطلع جزء من الفلوس لوجه الله، هو ده اداء شكر النعمه .



- فى بقى ناس لما تشوفك وتسلم عليك كتير تقولك يووووووه ايه يا عم ده ( كتر السلام يقل المعرفه) .

يانهار ابيض بقى كتر السلام يقل المعرفه ؟!!!!

ده الرسول عليه افضل الصلاة واذكى السلام قال :افشوا السلام بينكم لتتحابوا فعن أبي هريرة رضي الله عنه قال: " قال رسول الله صلى الله عليه وسلم: لا تدخلوا الجنة حتى تؤمنوا، ولا تؤمنوا حتى تحابوا، أولا أدلكم على شيء إذا فعلتموه تحاببتم؟ أفشوا السلام بينكم" رواه مسلم.
وربنا اسمه السلام ، فضلا عن كمية الحسنات اللى الواحد بياخدها لما بيسلم على حد : و هى ان اللى بيبادر بالسلام الاول له 90 حسنه والتانى لو رد السلام له 10 حسنات ، فقد قال تعالى: { وَإِذَا حُيِّيْتُم بِتَحِيَّةٍ فَحَيُّواْ بِأَحْسَنَ مِنْهَا أَوْ رُدُّوهَا} سورة النساء الآية 86

و قال تعالى : {يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّى تَسْتَأْنِسُوا وَتُسَلِّمُوا عَلَى أَهْلِهَا ذَلِكُمْ خَيْرٌ لَّكُمْ لَعَلَّكُمْ تَذَكَّرُونَ} سورة النور الآية 27.

وقال ايضا: { فَإِذَا دَخَلْتُم بُيُوتًا فَسَلِّمُوا عَلَى أَنفُسِكُمْ تَحِيَّةً مِّنْ عِندِ اللَّهِ مُبَارَكَةً طَيِّبَةً} سورة النور الآية 61.



وعن أبي عبادة البراء بن عازب رضي الله عنهما قال: " أمرنا رسول الله صلى الله عليه وسلم بسبع: بعيادة المريض، وإتباع الجنائز، وتشميت العاطس، ونصر الضعيف، وعون المظلوم، وإفشاء السلام، وإبرار القسم" متفق عليه.

وعن عبد الله بن عمرو بن العاص رضي الله عنهما: " أن رجلاً سأل رسول الله صلى الله عليه وسلم: أي الإسلام خير؟ قال: تطعم الطعام وتقرأ السلام على من عرفت ومن لم تعرف " متفق عليه.

وعن أبي يوسف عبد الله بن سلام رضي الله عنه قال:
" سمعت رسول الله صلى الله عليه وسلم يقول: (يا أيها الناس أفشوا السلام، وأطعموا الطعام، وصلوا الأرحام، وصلّوا بالليل والناس نيام تدخلوا الجنة بسلام)" رواه الترمذي، وقال حديث حسن صحيح.


شوفت بقى فضل السلام عظيم ازاى .


اسالك بقى سؤال هى تحية الاسلام مش السلام عليكم ؟؟؟؟؟؟؟؟؟؟؟؟

اه طبعا هو فى غيرها ...

طب ليه كتير مننا بيقول كلمة ( باى باى ، هاى ) هى دى فى الاسلام

لا بس عادى يعنى عرفناها من الغرب ماتكبريهاش بقى .....

انا مش بكبرها هى كبيره لوحدها عارف ليه؟؟؟؟

لان كلمة السلام عليكم ورحمة الله وبركاته يعنى انا كده بدعيلك بالسلام والرحمه وبركات الله وخلى بالك انا بقول الله ، طب تعرف بقى كلمة باى باى دى معناها ايه ؟؟؟؟؟؟؟؟؟؟؟؟

معناها اتركك فى رعاية البابا اى بابا النصارى!!!

وده طبعا مش فى دينا ولا فى عقيدتنا

اقولك بقى على كلمة كمان بس خلى بالك منها اوى اوى اوى لاننا بنسمعها ويمكن بنقولها كمان ،واحنا مش فاهمين معناها وهى كلمة( السام عليكم )


خلى بالك من الكلمه دى ماتقولهاش خالص ولو سمعت واحد مسلم بيقولها نبهه لان معناها عليك الموت والهلاك ولو لقيت واحد مصمم يقولهالك ، فقوله إذاً وعليك .


- اليك بئه اربع كلمات كل واحده فيهم افظع من التانية :


الاولى ( انا بحبها لدرجة العباده )

هذه الكلمة شرك شرك شرك شرك شرك شرك بالله وليعاذ بالله .
ياراجل حرام عليك مين دى بس اللى عبدتها واشركت بربنا عشانها اتقى الله وديت نفسك فى داهيه عشان بنت ، والله حرام .


التانيه ( اتكل عليا وما تشلش هم )

اما اتكل عليا كده هو خلى اللى قدامه يبقى معتمد عليه لدرجة انه نسى ربنا ، فبدل مايقول اتوكل على الله هيقول على كده اتكل على فلان ، استغفر الله العظيم وكده حرام جدا.


الثالثه ( استغفر الله العظيم اقعد اذاى بس وحضرتك واقف لا مايصحش )

فى بعض الاحيان قد يخجل الشخص من الجلوس امام شخص مهم او كبير فى السن ومن الادب والذوق ان يقف له، لكن حرام جدا انك تستغفرعشان هو واقف ، لان كده انت اعطيته قدر اكبر من قدره لانه مش ملاك ولا رسول عشان تستغفر ربنا . فخلوا بالكم ياجماعه .

واحب اوضح قصدى من الكلمة دى ، لو رجعنا بالذاكرة وافتكرنا فيلم السبع بنات فى مشهد من المشاهد كان المدير بيولع السيجارة لابو البنات السبع فى الفيلم ، لو تفتكروا الاب قال ايه وقتها ؟؟
قال للمدير استغفر الله وكررها مرتين او تلاته تقريبا ، وهو ده الموقف اللى اقصده . وفى الموقف ده الكلمة نفسها حرام جدا انها تتقال.


اما الرابعه ( عبد السفنكرير ) اللى قالها البيه عادل امام والناس خدتها من بعده.
فقد تجرأ على الله وصنع اسم لله كده من نفسه ، وللاسف الناس وخداها تهريج وبتقولها عادى .

وكمان بيشتم ويقول اه هو ده ابن الـــــــــــــــــــــــ
وانتم عارفين طبعا هو قال ايه.

والله الواحد كل ما يشوف المشهد ده دمه يتحرق ويقول

" اللهم لا تؤاخذنا بما فعل السفهاء منا "

الجزء الخامس



الجزء ده خاص جدا يا جماعه لانه متعلق بالامثال الخاطئه فى


مجتمعنا ، فى امثال يا جماعه فى حياتنا خطيره جدا ولو الواحد عرف معناها هيلاقيها غلط عليه لو قالها وحرام كبير اوى لو تمادى فيها ، اما لو عرف معناها وتهاون بالامر وظل يقولها وقال لا عادى المهم نيتى ايه فده عقابه عند ربنا اشد .


فقد قال رسول الله صلى الله عليه وسلم " إن أحدكم ليتكلم بالكلمة من رضوان الله ما يظن أن تبلغ ما بلغت فيكتب الله له بها رضوانه إلى يوم يلقاه ، وإن أحدكم ليتكلم بالكلمة من سخط الله ما يظن أن تبلغ ما بلغت فيكتب الله له بها سخطه إلى يوم القيامة " رواه ابن ماجه وابن حبان والترمذي والحاكم .



لذلك تعالوا مع بعض نعرف الامثال المحرمه.نقلت لكم بعضها والبعض الاخر جمعته من افواه الناس اللى بتقولها .




( ان جالك الطوفان حط ابنك تحت رجليك )

دعوة للقسوة والظلم واباحة فعل اى شىء عند الضيق ماهو لما الاب يحط ابنه تحت رجله يبقى مستباح يفعل اى شىء اخر ، وكأن المثل ده يعادل المثل الاجنبى الذى يقول ( الغايه تبرر الوسيله ) بل ويؤيده ايضا وبالطبع هذا حرام .



( ان قابلك الاعمي كل عشاه مانتش ارحم من اللي عماه )

يعنى بصراحه مثل فى غاية القسوة والجهل ولا تعليق عليه هو لوحده مفهوم ومعروف اد ايه المثل ده فى غاية التعدى على الله سبحانه وتعالى .


( اعمل الخير وارميه فى البحر )

الشيخ قال ان المثل ده حرام لكن الحقيقه ماعرفش ايه السبب.



( اللى يحتاجه البيت يحرم على الجامع )


مثل حرااااااااااااااام جدا ، المفروض العكس بالظبط ، بدليل قوله تعالى : (ويؤثرون على انفسهم ولو كان بهم خصاصة ).




( كُل مع الكافر و لا تاكل مع طويل الاظافر )

مثل غريب جدا ، قد يظن البعض انه صحيح وان الرسول هو الذى قاله، لكن فى الحقيقة هذا مكذوب على الرسول صلى الله عليه وسلم .


وهذه الفتوى دليلا على كلامى :


السؤال :

هل هذا الحديث .. صحيح..؟ (( كل مع الكافر ولا تأكل مع طويل الأظاافر )))

الجواب :
فى الحقيقة لا يجوز تطويل الأظافر ، وقد أمَر النبي صلى الله عليه وسلم أن لا تُتْرَك أكثر من أربعين يوما .
ففي حديث أنس رضي الله عنه قال : وُقِّـت لنا في قص الشارب ، وتقليم الأظفار ، ونَتْف الإبط ، وحَلق العانة ، أن لا نَتْرُك أكثر مِن أربعين ليلة . رواه مسلم .
وإذا انضاف إلى ذلك الـتَّشَبُّه بالكفار صار حراما .
فلا يجوز تطويل الأظفار ، لِمّا في ذلك مِن مُخالفة أمره عليه الصلاة والسلام ، ولِمَا فيه من الـتَّشَبُّه بالكفار ، ولو لم يُقصد الـتَّشَبُّه بالكفار .
وثَبَت طِبيا ضرر إطالة الأظافر .
ثم هو مُخالِف لِفطرة الله التي فَطَر الناس عليها .

وأما قولهم : (كل مع الكافر ولا تأكل مع طويل الأظافر ) فليس بصحيح ، وليس بِحديث أصلا .
والله تعالى أعلم .

المجيب : عبد الرحمن السحيم



( لا تصاحب الاقرع ولا تاخد منه نصيحه ، لو كان ربنا بيحبه كان سابله راسه صحيحه )


طب بالله عليك ده كلام يتقال يعنى ، طب على اساس ايه هل لان الأقرع مابيفهمش حاجة مثلا ولا على اساس ان الاقرع ده ربنا بيكره ولا على اى اساس. حاجه غريبه جدا..




( يوم الجمعة في ساعة نحس )


استغفر الله العظيم ، اذاى نقول كده ويوم الجمعه ده احب الايام الى الله ده بالاضافه إلى ساعة استجابة الدعاء . يبقى ساعة نحس ايه دى وليه بنقول كده؟

استغفر الله العظيم .




( انا بكره الراجل ده لله فى لله )


الحب فقط هو اللى يكون فى الله لذلك نقول احب فلاناً فى الله ، وماينفعش ابدا نقول انا بكره فلان لله فى الله وده غلط كبير جدا .

فعن أبي هريرة رضي الله عنه قال : سمعت رسول الله صلى الله عليه وسلم يقول سبعة يظلهم الله في ظلّه يوم لا ظل إلا ظله:إمام عادل، وشاب نشأ في عبادة الله ، ورجلان تحابا في الله اجتمعا عليه وتفرقا عليه ، ورجل ذكر الله خالياً ففاضت عيناه ، ورجل قلبه معلق بالمساجد ، ورجل تصدق بصدقة فأخفاها حتى لا تعلم شماله ما تنفق يمينه، ورجل دعته امرأة ذات منصب وجمال فقال : إني أخاف الله رب العالمين ) .أخرجه البخاري ومسلم .




( إذا الشعب يوما أراد الحياة ، فلابد أن يستجيب القدر )


وده معناه ان إرادة الله لابد وان تكون تابعة وخاضعه لإرادة خلقه . وده حرام طبعا .والله سبحانه و تعالى يقول : "و ما تشاؤون إلا أن يشاء الله".




( اللهم إني لا أسألك رد القضاء و لكن أسألك اللطف فيه )


تأكدت والحمد لله ان الدعاء ده باطل ، فقد قال الشيخ محمد بن صالح العثيمين رحمه الله:هذا دعاء بدع و باطل ، فإذا قال : " اللهم إني لا أسألك رد القضاء و لكن أسألك اللطف فيه " معناه أنه مستغن ، أي افعل ما شئت و لكن خفف ، و هذا غلط ، فالإنسان يسأل الله عز و جل رفع البلاء نهائيا فيقول مثلا : "اللهم عافني ، اللهم ارفع عنى البلاء و ارحمنى وانت ارحم الراحمين "

فقد قال النبي صلى الله عليه و سلم قال : " لا يقل أحدكم اللهم اغفر لي إن شئت" ( متفق عليه ) .

اذن هذا الدعاء " لا أسألك رد القضاء و لكن أسألك اللطف فيه " باطل و لا يجوز ان ندعو به .




( من علمني حرفا صرت له عبدا )


ايضا هو مثل محرم قوله لان العبد لله فقط . فقد قال تعالى : "وما خلقت الجن و الإنس إلا ليعبدون"يبئه مين بس اللى هتعبده ده لما يعلمك حرف او حتى عدة حروف، غلط طبعا المثل ده حتى لو كان على سبيل الايجاز.




( يعطي الله الفول للي ما عنده ضروس )

وهو يشبه فى معناه ( يدى الحلق للى بلا ودان ) .

وده بردو حرام لان هذا المثل في معناه أن الله لا يتصف بالحكمة و العدل بين مخلوقاته استغفر الله العظيم .

كيف ذلك وان من صفات الله الحكمة فقد اختار اسم الحكيم ضمن أسماءه الحسنى .وقد قال تعالى : "أهم يقسمون رحمة ربك ؟ نحن قسمنا بينهم معيشتهم في الحياة الدنيا و رفعنا بعضهم فوق بعض درجات ليتخذ بعضهم بعضا سخريا ، و رحمة ربك خير مما يجمعون" ( الزخرف ) .




( الدين لب وقشور )

مثل فى غاية العجب لأن القشور لا فائدة فيها وترمى وتُهمل ، بينما الدين كله خير وفائده أصوله وفروعه وواجباته وسننه.المثل ده بالظبط كده يعطى للناس الحق فى اتخاذ ما يعجبهم من الدين واهمال ما لا يعجبهم .ولو حد اتخذ المثل ده وتبناه فى حياته وعاش على اساسه يبئه الله يعوض عليه ، وربنا يهديه وهيبئه ذنبه فى رقبة اللى قاله واللى بيقوله .




( رزق الهبل على المجانين)

استغفر الله العظيم مثل حرام جدااااااا فالرزاق هو الله وحده ،قال الله فى كتابه العزيز : " إنَّ اْللهَ هُوَ الرَّزَّاقٌ ذُو القُوَّةِ المَتيِنُ ) " ( الذاريات: 5 ) .

وقال ايضاً : "وما من دابة فى الارض الا على الله رزقها ويعلم مستقرها ومستودعها كل في كتاب مبين(هود:6).

فالرزق بيد الله سبحانه وتعالى يقسمه لحكمة لا يعلمها إلا هو.


والمفروض يكون المثل هكذا( رزق الهبل والمجانين على رب العالمين ) كما قال الشيخ خالد الجندى.



( لا بيرحم ولا بيخلى رحمة ربنا تنزل)

كلمة ما ينفعش نقولها خالص فالله تعالى لا يؤده شئ ولا ينازعه فى سلطانه منازع .وقال تعالى :

{ قل أفرأيتم ما تدعون من دون الله إن أرادني الله بضر هل هن كاشفات ضره أو أرادني برحمة هل هن ممسكات رحمته } [ الزمر:38 ]
فآي مخلوق هذا الذي يستطيع أن يمنع رحمة ربنا من أن تنزل على عباده.

كما قال الله جل و علا " مَا يَفْتَحِ اللَّهُ لِلنَّاسِ مِن رَّحْمَةٍ فَلاَ مُمْسِكَ لَهَا وَمَا يُمْسِكْ فَلاَ مُرْسِلَ لَهُ مِن بَعْدِهِ وَهُوَ الْعَزِيز الْحَكِيمُ "

فمن هذا المخلوق الذى يستطيع منع رحمة الله ، فهذا القول لا يجوز على الاطلاق .



( ثور الله فى برسيمه )


كلمة عجيبة جدا ، هو يعنى فى ثور لله وثيران أخرى للناس ،وان كان الامر كذلك فما قصد قائل هذا المثل و بماذا يرمز ثورالله أيرمز له بالغباء والبلاهة من دون الثيران الأخرى اعوذ بالله من الكفر والجهل بما نقول .كلام غريب والله ، بالاضافه الى انه سوء أدب مع الله تعالى ،قال تعالى: { مَّا لَكُمْ لاَ تَرْجُونَ لِلَّهِ وَقَاراً } ( نوح-13) .




( انا عبد المأمور )


هذه كلمة خاطئة لأننا كلنا عبيد لله الواحد الاحد القهار ،وهى توحي أن قائلها ليس عليه أي ذنب إذا أمره رئيسه بفعل ما يغضب الله ، و الحقيقة غير ذلك ، فكل إنسان مسئول عن أفعاله مسئولية كاملة فعن ابن عمر رَضِيَ اللَّهُ عَنهُما عن النبي صَلَّى اللَّهُ عَلَيهِ وَسَلَّم قال: ' على المرء المسلم السمع والطاعة فيما أحب وكره، إلا أن يؤمر بمعصية، فإذا أمر بمعصية فلا سمع ولا طاعة '( مُتَّفَقٌ عَلَيهِ ).



( يا مستعجل عطلك ربنا )

وطبعا الغلط واضح فالله جل شأنه لا يعطل أحدا .ولكن العجلة والإستعجال من صفات الشيطان ، بدليل حديث أنس بن مالك رضى الله عنه ،عن النبي صلى الله عليه و سلم قال: ( التأني من الله والعجلة من الشيطان ) رواه أبو يعلى ، صحيح للألباني .



( ما طار طير وارتفع إلا كما طار وقع )


دعوة للتشاؤم والاحباط وكأن المثل يقول لمن علا وارتفع فى شأنه ودراسته وعلمه على سبيل المثال انك واقع واقع ، و كل اللى بتعمله ده مالهوش فايده ، اما سمع قائل هذا المثل حديث الرسول صلى الله عليه وسلم" اطلبوا العلم ولو فى الصين " .



( من لم ياتي بعصا موسي سوف ياتي بعصا فرعون )

وده معناه ان عصا فرعون اقوي من عصا موسي وده بالطبع خطأ فادح لأن العكس صحيح .والمثل ده بيحسسنى فى معناه ان اللى مايجيش بالخير يجى بالشر . وطبعا ده غلط كبير جدا .




( اللى يبان منى ذكة عنى )

ودايما نلاقى البنات تقول الكلمة دى وهى مش فاهمه معناها يا اختى الا تعلمى ان الله طيب ولا يقبل الا طيبا فكيف لكى ان تقولى < اللى يبان منى ذكة عنى > هو الواحد بيتصدق ويذكى بالطيب ام بالخبيث بل كيف تصفين ما يظهر منكى كشعرك او جسدك ذكاةً ؟ كيف تسمى هذا بالذكاة ؟ ولا حول ولا قوة الا بالله كونى واعية اختى بما تقولين بارك الله فيكى .




( المنحوس منحوس ولو حطوا على باب بيته فانوس)

دعوة للتشاؤم واليأس وعدم الرضا بقضاء الله عز وجل .



( كتر السلام يقل المعرفة )

هذا قول شيطانى لا يجب أن يتفوه به مسلم، فالرسول الكريم صلى الله عليه وسلم حض على إفشاء السلام؛ لأنه مفتاح الحب والمودة بين الناس.

وقد قال الله عز وجل:{ فإذا دخلتم بيوتا فسلموا على أنفسكم تحية من عند الله } ، ( النور:61) .

وعن أبي سعيد الخدري عن النبي صلى الله عليه وسلم قال : (إياكم والجلوس في الطرقات قالوا يا رسول الله ما لنا بد من مجالسنا نتحدث فيها قال رسول الله صلى الله عليه وسلم فإذا أبيتم إلا المجلس فأعطوا الطريق حقه قالوا وما حقه قال غضالبصر وكف الأذى ورد السلام والأمر بالمعروف والنهي عن المنكر ) رواه مسلم .

كما عن أبي هريرة رضي الله عنه أن رسول الله صلى الله عليه وسلم قال : (حق المسلم على المسلم خمس : رد السلام , وعيادة المريض , واتباع الجنائز , وإجابة الدعوة , وتشميت العاطس ) متفق عليه.




( الأقارب عقارب )

هذا مثل أحمق مضل يحض على قطيعة الرحم التي أمر الله أن توصل، ويصطدم مع مبادئ الإسلام .حيث يقول الله تعالى: " واعبدوا الله ولا تشركوا به شيئا وبالوالدين إحسانا وبذي القربى "( النساء 36: )



(أبكى على الزمان اللي عمل القصيرشمعدان ).

مثل فى غاية الجراءه والجهل ويعبر عن سوء الادب والاعتراض على قدر الله ووصفه بالظلم ، وليعاذ بالله ، فقد قال عز وجل " وربك يخلق مايشاء ويختار " ( القصص:68 ) .




( ساعة لقلبك وساعه لربك )

اولا ترتيب الجمله هنا غلط لان المفروض ان تكون هكذا ساعه لربك وساعه لقلبك .

ثانيا الجمله من الاصل غلط خالص لانها مقتبسه من حديث الرسول صلى الله عليه وسلم :

‏عن حنظلة " لقيني ‏ ‏أبو بكر،‏ ‏فقال: كيف أنت يا ‏‏حنظلة،‏ ‏قال ، قلت : نافق‏‏ حنظلة، ‏قال سبحان الله ما تقول، قال: قلت نكون عند رسول الله ‏ ‏صلى الله عليه وسلم ‏ ‏يذكرنا بالنار والجنة حتى كأنا رأي عين فإذا خرجنا من عند رسول الله ‏ ‏صلى الله عليه وسلم ‏ ‏عافسنا ‏‏الأزواج والأولاد‏ ‏والضيعات ‏ ‏فنسينا كثيرا ،قال: ‏ ‏أبو بكر ‏ ‏فوالله إنا ‏ ‏لنلقى مثل هذا فانطلقت أنا ‏ ‏وأبو بكر ‏ ‏حتى دخلنا على رسول الله ‏ ‏صلى الله عليه وسلم، ‏ ‏قلتك: نافق ‏‏ حنظلة ‏ ‏يا رسول الله، فقال : رسول الله ‏ ‏صلى الله عليه وسلم ‏ ‏وما ذاك ؟، قلت : يارسول الله نكون عندك تذكرنا بالنار والجنة حتى كأنا رأي عين فإذا خرجنا من عندك ‏ ‏عافسنا ‏ ‏الأزواج والأولاد ‏ ‏والضيعات ‏‏نسينا كثيرا، فقال رسول الله ‏‏صلى الله عليه وسلم: ‏ ‏والذي نفسي بيده إن ‏ ‏لو تدومون على ما تكونون عندي وفي الذكر لصافحتكم الملائكة على فرشكم وفي طرقكم ولكن يا ‏‏ حنظلة ‏ساعة وساعة ، وقد قالها ثلاث مرات ‏.

فساعه وساعه هذا ليس فى معناه ان تفعل مايرضى الله من الصلاة وقراءة القران والامر بالمعروف والنهى عن المنكر فى الساعه المخصصه لها، ثم بعدها تذهب لترضى نفسك فتجدها تأمرك بمشاهدة الافلام المسيئة للاخلاق او الكليبات الفادحة وسماع الاغانى الساقطه وتستجيب لها وتقول لا عادى ماهو ساعه لربك وساعه لقلبك لا يا اخى ليس الامر هكذا .

انما معناها ساعه وساعه يعنى ساعه لله وساعه للانسان فى عمله واولاده وحياته ومش معنى كده اننا نقضيها فى العصيان اعوذ بالله .



( صباح الخير، أوصباح النور، أو العواف، أو ماشابه ذلك )

هذه من أساليب تحية أهل الجاهلية وأهل الكفر والشرك والمجوس في الهند حيث ، يعتقدون بوجود قوتين الخيروالشر يمثلها النور والظلام ، وإنما ينبغي أن نعلم أن تحية الإسلام هي السلام عليكم ورحمة الله وبركاته، في أي وقت كان.

قال صلى الله عليه وسلم : " إذا لقي الرجل أخاه المسلم فليقل: السلام عليكم ورحمةالله" ( صحيح الترمذى)




( اتق شر الحليم اذاغضب)

مثل يدعو للخوف والبعد من الشخص الحليم الصبور الذى يتق الله فى خلق الله.




( اتق شر من أحسنت إليه )

وللاسف الكلمه دى اصبحت قاعده الناس ماشيه عليها واصبحوا يتوقعوا الشر قبل حدوثه من الناس اللى بيحسنوا اليهم واصبحت مبرر للناس كى لا يحسنوا للاخرين .
هو صحيح فى ناس بتقع فى المشكله دى كتير وتكون بتنفق وتحسن وتفعل الخير تجاه ناس اخرين ولكنها تُفاجأ بمقابلة هذا الاحسان بالشر وطبعا دى حاجه بضايق لكن مهما كان الموقف فهو مش هيكون اكتر من موقف ابى بكر الصديق رضى الله عنه عندما خاض مسطح فى عرض ابنته السيده عائشه رضى الله عنها وكان ابى بكر يُنفق على مِسطحٍ لقرابته منه وفقره ، فقال -: والله لا أُنفق عليه شيئًا بعد الذي قال في عائشة.

فأنزل الله تعالى: {ولا يأتلِ أولو الفضلِ منكم} إلى قوله: {ألا تُحبون أن يغفرَ الله لكم}. وبعدها قال أبو بكر: إني لأحبُ أن يغفر الله لي، فرجّع إلى مِسطحٍ النفقة التي كان يُنفق عليه، وقال: لا انزعها منه أبدًا.

فسبحان الله انت عندما تنفق على شخص انت لا تُجِبُ عليه بل انت تحصد لنفسك الخير الكثير والرحمة والمغفرة فلا تستخسر فى نفسك اخى بارك الله فيك وانفق على المساكين والفقراء حتى لو كانوا يقابلون احسانك بالشر، فجزائهم عند الله وجزائك انت ايضا كبير عند الله، ولكن احذر ان تمس عينك هذه النفقة بالشر. اى لا تتصدق عليهم وقلبك غير راض ٍ وإلا ستضيع اجرك عند الله سبحانه وتعالى .
واوجه كلمة ايضا لمن يُحسَن اليهم ، اتقوا الله ولا تقابلون اللاحسان بالشر ، فقد قال تعالى فى سورة الرحمان " هَلْ جَزَاء الْإِحْسَانِ إِلَّا الْإِحْسَانُ " ، ولا تفعلون كالذين ذكرهم الله فى قوله تعالى : (ومنهم من يلمزك في الصدقات فإن أعطوا منها رضوا وإن لم يعطوا منها إذا هم يسخطون ( ( 58 ) ولو أنهم رضوا ما آتاهم الله ورسوله وقالوا حسبنا الله سيؤتينا الله من فضله ورسوله إنا إلى الله راغبون ( 59)





( الانسان اصله قرد )


مثل بصراحه فى غاية التطاول والجهل ، ماهو اصلنا مين مش سيدنا ادم عليه السلام يبقى اذاى اصلنا قرد استغفر الله العظيم .



( ياكل مال النبى ويحلى بالصحابه )

هو مين ده اللى يجرؤ يعمل كده ، لا حول ولاقوة الا بالله ليه احنا وصلنا لدرجة اننا ندخل الرسول عليه الصلاة والسلام والصحابة والاشخاص الجليله فى كلامنا وامثالنا وتهريجنا . يعنى حاجه فعلا غريبه جدا .




( انا ادعى على ولدى واكره اللى يقول امين )

مثل حرام جدا لان الرسول عليه الصلاة والسلام نهانا عن الدعاء على اولادنا فى حديث رواه أبو داود في السنن لا تدعوا على أنفسكم ولا تدعوا على أولادكم ولا تدعوا على خدمكم ولا تدعوا على أموالكم لا توافقوا من الله تبارك وتعالى ساعة نيل فيها عطاء فيستجيب لكم ) سنن أبي داود .




( مايكونش عندك العز ده كله واروح اقول عشانا عليك يارب )

استغفر الله العظيم ، هو الرزق ده مش بتاع ربنا سبحانه وتعالى يبقى اذاى نقول الكلام ده بس لازم نقتلع عنه تماما .




( بركه يا جامع )


المثل ده له حكاية ، وحكايته : هو ان كان فى واحد مابيصليش فى المسجد الا لمرآة الناس وفى يوم مكانش عايز يخرج للصلاه فى الجامع فأخر الصلاه عشان مايخرجش، لكنه افتكر ان الناس اللى متعوده تشوفه دايم افى الجامع هيقولوا ان فلان تخلف عن الصلاه اليوم . فقرر انه يخرج للصلاة ولكنه عندما وصل وجد الجامع قد أغلق فراح قايل الكلمه دى (بركه يا جامع) على اساس انها جت من الجامع مش منه.

واحنا بنردد الكلمه ومش عارفين معناها . وطبعاهى غلط لان معنى الكلمه مدفون فى معنى القصه مش بالكلمه نفسها .




( اكل الدهر عليه وشرب )

ينفع كده طيب ، واحنا عارفين ان الدهر هو الله ، وان الله لا يأكل ولا يشرب، استغفر الله العظيم .




( على الحرام من دينى )


ايه الكلام الغريب ده ، حلفان حرام جدا .



( انا واخويا على ابن عمى وانا وابن عمى على الغريب ).



اللى قال المثل ده نسى ان المسلمون اخوة ،فقد قال الله سبحانه وتعالى فى كتابه العزيز : ( إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ ).




( ان كان ليك صاحب لا تناسبه )


ليه يعنى ايه السبب ؟ مش كلنا اخوة .




( خد من التل يختل )


ويتقال المثل ده لما تيجى تتصدق وتطلع شىء لله ، وبالطبع ده قول شيطانى . لان الشيطان هو اللى بيقول كده ليحرمنا الحسنات والثواب اللى ربنا بيجازينا بيها .



( قالوا للحرامى احلف قال جالك الفرج )

دعوة للحلفان بالله باطلا .



( ده بياكل رز مع الملايكه )

يا اخى حرام عليك هى الملايكه بتاكل اصلا عشان تأكله انت معاها ، الملائكة لا تاكل بدليل قوله تعالى : " هل أتاك حديث ضيف إبراهيم المكرمين ، إذ دخلوا عليه فقالوا سلاماً ، قال سلام قوم منكرون ، فراغ إلى أهله فجاء بعجل سمين ، فقربه إليهم قال إلا تأكلون "




انتهى الجزء الخامس


منقول

شكرا على الموضوع وكدة كدة اللى متعود عليها مش هيقدر يبعد عنها

بس لازم يحولوا

شكرا على مرورك
بس هم المفرود يغيروا
من طريقتهم لان ربنا هيحاسبهم

شكرا على الموضوع الرائع

شكرا على الرد جنه الفردوس