اصعب شىء بجد...!!

ياترى ايه هو اصعب شىء فعلا ماتيجى اكلمكم كدا كاننا قاعدين قاعده حلوه عند عم عبدو تلوث
وناكلنا اتنين كبده من عنده ونطلع بعد كدا على الاسعاف


المهم حصل حوار كدا خلانى اكتب الموضوع ده

لما اكون انا واحد اخوات واصحاب وعلى طول بنتكلم وفجأه يحصل اى حاجه وتدمر الصحوبية دى

بمعنى حصل منى حاجه غصب عنى وكانت بحسن نية واخدها صاحبى او اخويا على انها حاجه كبيرة

وقرر ان الحاجة دى لا يمكن الواحد يسامح فيها وتقعد تحاول تبينله وجهة نظرك وهو برده زى ماهو

ويقرر ان الاخوه والصحوبية لحد هنا وخلاص انتهت بالسهولة دى مش عارف

بس هو قرر كدا ومش عايز يتراجع رغم انك بتبقى مضايق ونفسك تعمل حاجه يخليه يرجع فى قراره

بس للأسف هو مصمم على كدا طيب وليه السرعة انى اخد القرار ده وليه مادلوش فرصة تانيه؟

وليه احكم عليه انه مش اخويا من اول غلطة وبدون قصد


هى دى الاخوه والصحوبية ولا ايه بالظيط؟؟


انا شوفت كتير من صحابى وكنت بسامح مره واتنين وتلاته

كنت بديله فرص رغم انى اخطاءهم كانت كبيرة جدا

مش عارف يمكن الواحد كان على نياته ولا ايه بالظبط


بجد انا شايف انى الحاجه دى صعبة جدا انك تتحرم من حد كان قريب جدا منك

وكنت بتحكيله عن كل حاجه وفجأه يقرر انه لحد هنا وخلاص

طيب لو الموضوع ده سهل عنده ليه مابيفركشى فى اللى قدامة

شكله هيبقى ازاى وياترى هيعمل ايه لما تقوله الكلام ده ؟؟


انا بسميها انانية بس مش عارف بقى انتوا ممكن يكون الحوار ده عند
كتير من الناس عادى ؟؟

نفسى اقول كلام كتير بس حسيت انى الكلام راح من الواحد

المهم انا مش هسأل انا عايز رأيكم

ليه مانديش للواحد فرصه واتنين ونحاول حتى لو هو غلطان نعرفه

يمكن مايعملهاش تانى بدل مانحكم عليه انه ماينفعشى يبقى اخ

وهو اصلا بيحب الشخص ده جدا وطبعا هيأثر فيه اكتر بعاد الشخص ده

شكرااا على الموضوع الرائع

شكرا يا جميل على الموضوع الرائع

شكرا على الموضوع الرائع
انا الموضوع دا حصلى كتيربس مش عارفه السبب للاسف

شكرا ليكى على الموضوع
هو ده مقارب لموضوع السماح
بس ممكن الغلطه او الشئ الى عملة مينفعش
اديلها فرصه تانيه فيه لان ممكن الموقف ده يكون حدد شخصيتها او موقفها اتجاهى

شكرا على تفاعلكم

شكرا على الرد

شكرا ليكي
بس أنا كمان حصلي كده

شكرا على مرورك