أرجو الاهتمام

أرجو من المستر إنه يقسم كل قسم خاص بالمواد إلى قسمين واحد للترم الأول وواحد للترم التانى
وإن شاء الله الفكرة يتم الموافقة عليها وتنحج إن شاء الله السنة دى والسنين اللى بعد كده

انا موافقك فى الفكرة دى جداا وذلك حتى لا يحث لخبطة لبعض الطلاب

وشكراا ليكى على الموضوع

بس اصلا فى اقسام المواد
قليل اوى اللى بيدخلوا
يعنى هيبقى فى كل قسم موضوعين او تلاته

ماشى ما إحنا ننشطه
بس إنت لو شوفتى هتلاقى كله داخل فى بعضه وفى نفس الوقت نطلب من الأعضاء الإهتمام شوية بالأقسام التليعمية
شكراً جداً يا دريمز على ترحيبك بالفكرة

مش عارفه بس حاسه ان الفكره مش هتنجح
سورى متزعليش منى نور بس انتى عرفانى مش هقول الا اللى انا شيفاه

فكرة تنظيمية كويسة خالص إن شاء الله تنفذ غي الوقت المناسب

فكرة حلوة بس حاليا كل قسم اساسا مفيش فيه موضوعات كتير يعني زي مازهرة بتقول الاقسام هتبقي فاضية

عادى يا زهرة مفيش أى حاجة ودى طبعاً وجهة نظرك وأنا بحترمها لكن دى كانت مجرد فكرة بعرضها إما إتقبلت أو إترفضت

شكراً يا مستر لترحيبك بالفكرة وفعلاً هى الفكرة منتظرة الوقت المناسب

ماشى يا محبة لكن ده بيرجع لإيه لعدم إهتمامنا بالأقسام التعليمية ولو إهتمينا أكتر هتكون الفكرة ناجحة أكتر للسنين اللى بعد كده إن شاء الله
يعنى لو حد دخل السنة الجاية إن شاء الله فى الترم الأول ولقى سؤال للترم التانى هيتلخبط وكده يعنى

ايوة انا معاكي وبارحب بالفكرة جدا بس اقصد ان دلوقتي مش مناسب اوي ليها يعني لما المنتدي يشد حيله شوية هتكون فكرة كويسة اوي

عدم اهتمامنا يرجع الى عدم التفاعل فى الاقسام يعنى لو دخلت وعملت موضوع مش بلاقى ردود
وغير كده فى اقسام تانيه بتلهى جامد واعتقد ان معظمنا بيحب يترهب من المذاكره وانا اولهم

اه الفكرة دى جميله جدا وانا كمان برحب بيها شكرا ليكى

الفكره حلوه جدا انا مع نور فى فكرتها
وحتى لو الاقسام فاضيه هنبقى نشارك ونملاها ان شاء الله

عفواً يا سلسبيل ويا برنسيس وفعلاً يا برنسيس لو فاضية نحاول نملاها
بس يا جماعة مش نحط حاجة مش مهمة
لازم نحط موضوع مهم ومفيد للمادة
حتى لو كانت لعبة بس بتثرى معلوماتنا فى المادة

فكره رائعه