ماذا ستفعل اذا كنت وزيرا لــــــ ؟

ماذا ستفعل إذا كنت وزيرا ؟

نبدأ بوزارة التربية والتعليم
ماذا ستفعل اذا كنت وزيرا للتربية والتعليم ؟؟؟

تخيل نفسك وقد اصبحت وزيرا لوزارة التربية والتعليم اللي حالها مقلوب دلوقتي هتعمل ايه ؟
انا باطلب منكو أي اقتراحات قد تحسن من مستوي التعليم ........

وطبعا الاقتراحات دي هتكون في حدود انتو عارفينها طبعا ههههههههه

يالا عاوزة اقتراحات جامدة ومحدش يخاف من حاجة و كلها اعدام او حتي سجن الي الابد هههههههههههههه

مــــنتـــــظرة ردودكـــــــم

اولا
هلغى اعمال السنه خالص بس عشان منبقاش تحت درس المدرسين

ثانيا
هخفف المناهج شويه مش تبقى بالمظر ده

ثالثا

هشدد الاشراف على المدراس جدا وعلطول عشان يشوفوا المهازل اللى بتحصل

رابعا

هيبقى فى عقوبه كبييييييييييييييييره جدا على اللى يضرب

خامسا
كل حاجه تاخد حقها فى الحصص وفى المجالات كمان حتى الالعاب

بس ده اللى فاكراه ناو

*__no0o0o0r__*

اول حاجة هعملها هلغى الدروس حتى لو بالقوة
تانى حاجة المناهج لازم تتطور علشان تفيد الطلاب
ثالث حاجةان شغلة الوزير ان هو يمر على المدارس مش يعقد فى المكتب وتوصله ان اخبار التعليم كويسة جدا
رابع حاجة ودى الاهم هوحد الزى المدرسى للبنات وهو الزى الاسلامى
خامس حاجة هيكون فى تشديد على المدرسين باتقان الشرح ومنع الضرب علشان الطلبة تحب التعليم
دا راى اظن ان ممكن يعجبك يا محبة الايمان

انا معلش يا نيرمو انا مش معاكى فى الغاء الضرب مع بعض الناس لان فى بعض الناس بجد يستهلوا مش الضرب الجلد ممكن تقولى لانهم بيبجحوا جدا فى الاساتذه

بس العقاب اللى هحطه ولو كنت وزيره التربيه والتعليم ان يكون فى حجر للاحتجاز وطبعا دى تبقى بعد الدوام المدرسى والطلاب ياخدوا فيها شويه واجبات زياده بس كتير شويه ولو ده مجاش معاهم يبقى احتجاز فى الاجازات الرسميه يعنى يرحوا المدرسه فى ايام العطل الرسميه ولو ده مجبش معاهم يبقى المدرسه الصيفيه يعنى يا عينى عليهم وده مش عقاب اللى مستواهم التعليمى مش كويس لا ده للى مستواهم الاخلاقى مش كويس

تانى حاجه اللى مستواهم مش كويس يرحوا مصانع يتعلموا فيها حرف بعد سن معينه وطبعا كل سن وليها شغل معين

ثالثا الدوام يبدا من الساعه 8 ونصف لغايه 1 ونصف ويبقى لمده 4 ايام فى الاسبوع مواد علميه ويومين حاسب الى وتكنولوجيا بس التكنولوجيا تبقى بجد تكنولوجيا ورسم وتربيه رياضيه وكده يعنى

اكمل ولا كفايه

اه معلش نسيت بالنسبه للمناهج العلوم والرياضه والاحياء واللغه العربيه دول اهم حاجه لازم يتطوروا جدا

وبالنسبه للمدرس لازم ياخد حقه ماديا ومعنويا

انا من راى لوو احنا عايزين نطور التعليم فى مصر والله محتجنلنا حوالى 50سنه بس هكون مت وشعرى ابيض واسنانى وقعت
اولا
هنبدأمن اول المدرسه الى كل مدرس يدخل يديلنا محاضره ويقولنا المدرسه هى امك وساالمها هى دمك وانتوا لازم تحضروا وتستفيدوا من المدرسين مهو لو المدرس الى واقف ادامى بيشرح وبيرضى ضميره وبيشرح زى بتاع الدرس مكنش ده حصل وده طبعا مش كل المدرسين

ثانيا

فلنفترض ان المدرسين عادوا بيشرحوا حلو وبيعطوا للطالب حقه المفروض الطالب يحترم نفسه مع المدرس الى ادامه وميعدش يتكلم معاه ويعمل نفسه شاطر وعارف كل حاجه ويشوشر على نفسه وعلى زميله

ثالثا

احترام متبادل بين الطالب والمدرس ودى المفروض تبقى اول نقطه بس معلش

رابعا

الفصل عدده يخف شويه يبقى زى الدروس علشان المدرس يعرف يشتغلل معاه

خامسا

الامتحانات تبقى تقويميه يعنى تقوم مستوى الطالب مش دش على الفاضى

سادسا
يبقى النظام نظام كورسات يعنى كل مدرس يبقى ليه حجره وكل واحد يختار هو عايز يروح للمدرس انهى والمدرس الى هيروحله طلبه اكتر ياخد فلوس ومكافأت اكتر هتقولى مهو كده فيه مدرسين مش هيدخلهم طلاب هقولك مهو المدرس اما يلاقى محدش دخله هيحاول يحسن من طريقة شرحه

برينسس بس حابه اقول حاجه بالنسبه للطلاب اللى المفروض يحترم نفسه مع المدرس والله احنا عندنا طلاب فى الفصل المدرس بيكون بجد منهمك فى الشرح وهم ولا هم هنا ولو المدرس قال ليهم حاجه شوفى الكلام والنظرات

شكرا علي ردودكم الرائعة وتفاعلكم في الموضوع

اما بالنسبة لي انا :
هو فيه حاجات هتغير نظام التعليم بالكامل وفيه تغييرات جزئية
نبدا بالتغييرات الجزئية ونؤجل التغييرات الكاملة شوية

اولا بالنسبة للمدرسين:
الالزام بالدورات التدريبية لجميع المدرسين في جميع المواد وتقويتهم وايضا عمل اختبارات دورية لهم في صميم المادة الخاصة بكل مدرس.
الغاء الدروس الخصوصية نهائيا وتجريمها وفرض عقوبة شديدة علي من يقوم باعطاء تلك الدروس.
وبالنسبة للطلبة اللي ممكن يكونوا بطيئين في الاستيعاب او ما شابه فانه يمكن عمل مجموعات تقوية بمبالغ رمزية جدا بحيث لا تسبق المدرسة في الشرح فبعد ان يتلقي الطالب المعلومة ولا يستطيع استيعابها جيدا من الممكن ان يذهب الي احدي المجموعات ويتزود بما يشاء.
وايضا العمل علي اكتفاء المعلم من الناحية المادية والمعنوية بحيث انه لا يضطر الي اعطاء الدروس وكمان يكون مرتاح البال اثناء الحصة وغير مشغول بالمشاكل المادية.

بالنسبة لاولياء الامور :
دول اللي بيقع علي عاتقهم المجهود الاكبر
طبعا التربية السليمة اساس كل شيء فالطالب الواعي بآداب التعامل سيراعيها في معاملته مع اساتذته وزملائه.
وكمان رفع الشكوي الي المسئولين عند تقصير اي من المدرسين.
متابعة الابناء في مذاكرتهم وتشجيعهم بالجوائز والمكافات.
عمل امتحانات للابناء من قبل ولي الامر ، وايضا متابعة مستواه في المدرسة.
ارشاد الابناء في شتي امورهم ومساعدتهم في اختيار الاصدقاء بعناية.

بالنسبة للمناهج:
المناهج فيها حشو كتير وحاجات ملهاش لازمة.
وكمان لازم اللي يضع المناهج في مادة يكون علي علم باللي موجود في المواد التانية واللي في نفس المادة في صفوف تانية علشان المعلومات منتاقضش بعضها.

بالنسبة للطلاب:
الالتزام بآداب التعامل مع المدرس.
الالتزام بالزي المدرسي الاسلامي الموحد.
اتمام جميع الفروض الدراسية اولا باول.
الابلاغ عن اي تقصير يحدث في المدرسة.

ما مضي يعتبر اقتراحات عامة وليست من مهام وزير التربية والتعليم

اما بالنسبة لتلك المهام:
ادخال التربية الدينية في المواد التي تضاف للمجموع والاهتمام بها اشد الاهتمام.
تشديد الرقابة في المدارس والعمل علي التزام النظام فيها.
بالنسبة للضرب او العقوبة فانا اعارض منعها ولكن اذا تدرب جميع الطلاب علي حسن المعاملة فلن نضطر الي استخدامه كثيرا.
واعتقد ان العقوبة اللي اقترحتها زهرة وافية.
منع الغش منعا تاما لانه مدمر لمعنوية الطالب المجتهد ومعين لفشل الطالب المهمل.
الاهتمام بالمجالات بحيث تكون مفيدة بالفعل للطالب وتزيد من قدرته علي الابتكار والاختراع.
منع التربية الموسيقية نهائيا لانها حرام.
توزيع وجبات علي الطلبة لتزويدهم بالنشاط والحيوية.
الاشراف الصحي اليومي علي الطلبة والمتابعة الصحية الدورية.

يااااااااااااااه انا تعبت هههههههههههههههه
كفاية كده دلوقتي واكمل بعدين ان شاء الله

ياااااااااااااااااااااه انا بقه هعمل حاجه واحده بس هقعد الطلاب فى البيت ويمتحنو فقط على النت
ههههههههههههههههههههههههههههه

يااااااااااااااااااااااااااااااااااااااااااااااااااااااااااااااااااااااااااا
كـتـبت كـــــــــــــــتـــــــــــــــــــــــــــــــــير Exclamation

بس التعليم بالنت ليه عيوب

يعني صعب تكوين صداقات حقيقية
وكمان الاختبارات سهل الغش فيها
والمدرسين هيقعدوا في البيت هههههههه
ولو حاول الطالب الحصول علي المعلومة عن طريق النت اكيد هينشغل باي حاجة ترفيهية ويسيب المذاكرة.

ارجو ردا اكثر تاثيرا

وانا احب اضيف كمان:
الالتزام بالتاريخ الهجري في المدارس
توفير مساجد في المدارس ووقف الحصص نهائيا حتي الفروغ من الصلاة وتشجيع الطلاب علي المواظبة علي الصلاة.
جعل مادة الرسم اختيارية في جميع الصفوف لان الرسم موهبة وليس ضروري ان تتوافر في جميع الطلاب.
تطوير منهج الدين واضافة المواد الشرعية كي يكون الطلاب علي وعي باحكام دينهم وتكثيف منهج القران الكريم.

طب تعالى شوفى التعليم فى مدرستنا (لا تعليق) لا نأخذ الحصص الا اذا كان هناك لجنة اما غير ذلك المدرسين بيشربو شاى ومزاجهم عال حاجه مش طبيعية يعنى مثلا فى امتحان التاريخ بتاع الشهر ماخدتش الا حصتين بس مش ده ظلم وبيقول باجى ومبلقيش حد على الرغم انى فضلت مستنيه للحصة الخامسة(وده كتير اوى) بس كده
الخلاصة ان مفيش تعليم سواء كده او حتى على النت كله واحد بالنسبة لمدرستان على الاقل

يعني هم بيشربوا شاي علي طول لالالالالالالالالا غلطانين المفروض ينوعوا مرة شاي مرة قهوة ههههههههههههههههههههه

حاجة مؤسفة فعلا -ربنا ينتقم ممن لا يراعونه في اداء عملهم-

ولكن بصراحة علي ما اسمع ان اسلوب الطلاب في الحصة لا يشجع اي مدرس علي اداء حصته يعني احيانا المدرسين بيكونوا معذورين.

وهنا المفروض علي المدرس انه يبحث عن طرق لجذب الطلاب بشكل سلس وطرق لتهديتهم في الحصة وان يكون صارم في تعامله معهم.

ورغم كلامك ده فانا لا اعتقد ان هناك اخرون ارادوا ان ياخذوا الحصة ولو وجد فبالطبع هم قليلون جدا ، دا عندنا لما بيكون فيه حصة فاضية بنفرح جدا (مش عارفة ليه زي مانكون بنضرب في الحصة).

انا علشان الاهمال ده بدات بالمدرسين وفعلا لازم يكون فيه مراقبة دورية من قبل الادارة وكمان امتحانات علشان المدرسين يكونوا متمكنين في المادة.

والحاجة اللي انا نفسي اوي تتعمل ان الفصول دي تتلغي والمدرسة تكون عبارة عن مجموعات وكل مدرس يمسك مجموعة والطالب يروح للمدرس اللي هو عاوزه وبيرتاحله وبيفهم منه مش يكون مجبور عليه .
يعني انا بيديني مدرسين مش راضية عن طريقة شرحهم خالص في حين ان فيه مدرسين تانيين نفسي احضرلهم..

ممكن بس مفيش طريقة هتنفع مع طلاب مدرستنا خالص ولو جبتى الوزير مش هيعمل حاجه مع الطلاب لان فى طلاب خاشين المدرسة على اساس ان اصحابهم خشينها وممكن فى اى لحظة يحولو تجارة او صنايع حسب مزاجهم علشان كده هما بيعملوا كده

وشكراا ليكى على ردك الجميل

انا بقي هعمل حاجه واحده بس اني اسفر الطلاب يكملوا تعليمهم برا بعد الابتدائي مباشرة بس هيكون في امتحان قدرات ومش هيكونوا لوحدهم لومنجحوش في الامتحان بعد المرحله الابتدائيه هيبقي بعد الاعداديه وهيبقي في امتحان قدرات برده.
فكره معفنه صح؟
احمدوا ربنا بقي اني مش وزيرة اتربيه والتعليم

ههههههههه مفيش ولا طريقة يعني مفيش امل يا دكتور ههههههههههههه

طيب ربنا يكون في عون المدرسين بقي

ده بياكد ان الاساس التربية وان الطالب لو عارف منذ صغره قيمة المدرسة والمدرس والهدف الحقيقي من التعليم كان علي الاقل هيبدي القليل من الاهتمام المنعدم حاليا عند معظم الطلاب.

شكرا علي ردك واهتمامك بالموضوع
-----------------------

الحمد لله انك مش وزيرة للتربية والتعليم يا مرمرههههههههههههههه

بس احنا ليه نسفرهم بره لو علشان يكون تعليم احسن يبقي ليه مانحسنش من التعليم هنا في بلدنا وكمان كده الانتماء هيقل.
شكرا ليكي علي الرد.

محبه التعليم عمره ما هيتحسن في بلدنا لان كل واحد خايفه علي الكرسي بتاعه

ما شاء الله ايه التفاؤل ده

طول ما احنا مقتنعين انه عمره ما هيتحسن يبقي فعلا عمره ما هيتحسن

اول حاجة هعملها اول ما أمسك الوزارة
قرار 1 : تشديد الرقابة على المدارس وزيارات مفاجئة على المدارس .
قرار 2 : إلغاء الدرووس الخصوصية الى هتموت الاهالى . . .
قرار3 : تخفيف المناهج على الطلاب . .
قرار4 :عدم وجود أ سؤال صعب او به أفكار تعقد الطالب (الثانوية العامة )
قرار5 : . . . . . . . . (هريح نفسى شوية) . . . . .

وزارة التربية والعليم هى فعلا اساس مشتقبل البلد دى لانها هى اللى بتخرج الطلبة والطالبات
وفعلا التعليم بدأ فى التدهور جامد
فى حاجات كتير المفروض تتعمل
اولا
تغيير نظام الابتدائى والاهتمام بالمواهب والقدرات وتدعيمها
ثانيا
الاعدادى بيظهر فيه الدروس الخصوصية بشكل كبير
والمدرسين بيعتمدوا كتير جدا ع الدروس الخصوصية
وسبب عدم اهتمام الطالب بشرح المدرس فى الفصل هى الدروس الخصوصية
ثالثا
الاهتمام بالانشطة المدرسية لانها بتساعد كتير الطالب ع تجديد نشاطه
رابعا
الاهتمام بالمعامل واجراء التجارب بالفعل
خامسا
الاهتمام بالمدرسة والمبنى والنظافةوالفصول وصيانتها الدورية
سادسا
فى مواد المفروض تكون اختيارية احيانا تكون السبب فى قلة المجموع
سابعا
المرور الدورى على المدارس فى جميع محافظات الهورية

انا هههههههه انا هههههههه انا هخلى دفتر لسلوك المدرسين واللى سلوكة وحش
يأخد استمارة 6 وبكدة الطالب يقابل المدرس يضربة بالقلم يقولة كمان

شكرا لكم علي الرد

بس ايه الرد ده الهزار مسموح لكن بغير توجيه اي اساءة للسادة المدرسين

طيب اعتقد كفاية كده علي وزارة التربية والتعليم

تقترحوا وزارة ايه يا جماعة تكون الوزاة التالية؟

» لو كنت شخص مخفى غير مرئى ماذا كنت ستفعل ؟..
» ماذا تفعل لو قال لك شخص انه يكرهك !؟؟؟؟
» ماذا تعرف عن العداوة ؟؟؟
» ~[ماذا حدث للجيل الجديد]~
» ماذا تبقى من ارض الانبياء