حساب مثلثات

جا(9س/4)=(1/جذر2)
حيث س تنتمى إلى ]90,0[
هى المسألة سهلة جداً بس محتاجة تفكير أرجو المحاولة

شكرا على موضوعك بس انا مش معايا الادوات الوقتى هه

بما ان الناتج يساوى 1/جذر 2

اذن يا جماعه القيمة اللى قى المقدار الاخر تساوى 45 درجه لان جا 45 يساوى 1/جذر 2

اذن 9س/4 = 45 اذن س = 20 درجة اذن مجموعه الحل تساوى {20}

شكراً يا ماستر ام على تشرفيك بس المهم الإستفادة

بجد يا كنج قربت قوى من الحل بمعنى أصح جبت الجزء الأول من الحل وهو صح لكن متنساش إن جا موجبة فى الربع الأول والثانى يعنى مرة الزاوية هتكون 45 ومرة هتكون 135

منا عارف بس الفترة اللى احنا بنحل فيها هيا من صفر ل 90 لذا انا مهتمتش بالحل الثانى

لا على فكرة فى حاجة غلطت فيها بص معايا
لما نقول إن (9س/4)=153
إذاً 153*4=540
540/9=60
وبكده هتكون س قيمها 20 و60 وفى نفس الوقت تنتمى إلى ]90,0[
يعنى إحنا عاوزين س هى اللى تنتمى ل ]90,0[ مش (9س/4)هى اللى بتنمتى إلى ]90,0[
يا رب أكون قدرت أوصل الفكرة

ازاى 9س على 4 يساوى 153 مش فاهم النقطه دى ممكن تفسير اكبر

انت قصدك 135 ولا 153 لو قصدك 135 يبقى حلك صحيح وانا اسف جداا لانى ماخدتش بالى من النقطة دى وفعلا الحل هيبقى 20 و60 وشكراا ليكى على التوضيح يرجى تقبل اسفى وشكراا ليكى مره ثانية

معلش كان قصدى 135 لكن كتبت غلط
لكن عادى المهم لو غلطت مش تغلط فيها تانى ومفيش داعى للأسف
أتمنى إنك تكون إستفدت

شكراا ليك على المعلومة الجميله وعلى فكرة المساله دى انا اخدتها انهارده فى المدرسة وحلتها صح بفضل معلومتك شكراا ليك

بجد أنا فرحانة جداً لأنى حسيت إنى عملت موضوع كويس

بجد انا شاكر ليكى جداا لانك فعلا افدتينى

شكرا لكما علي الافادة

ومعلش دخلت الموضوع متاخر

عادى يا محبة مش المهم دخول الموضوع بدرى أو متأخر المهم إنك تكونى استفدتى