ادخل ودردش شوى

قبل الدراسه ما تبدا
يلا نتكلم شوى او شويتين
هقول سئوال نناقشه وكل واحد يقول من وجهة نظره
الحوار مفتوح
انا هبدا واسئل
مين اكتر فرقه او منشد او مغنى بتحبه؟
انا اكتر فرقه بحبها هى فرقه( نيجاتف دين) الدين الايجابى
وهى فرقه امريكيه
طبعا مبفهمش حاجه من كلامهم لولا انهم بيقولوا كلام عربى يفهمك المعنى
اما اكتر منشد فهو العفاسى وبلا منزاع
اكتر مغنى طارق العربى طارقان

معرفهاش
فعلا العفاسى رائع
طب بالله عليكى العفاسى ولا احمد بو خاطر

فعلا العفاسى رائع
وبحب صوت سامى يوسف

احسن منشدين اسلامين طبعا مشارى راشد العفاسى, ومشارى العرادة , وعبد القادر قوزع.
وطبعا احسن مغنى اسلامى سامى يوسف

يعنى متفقين على العفاسى
ادخلوا كده على اليوت يوب واكتبوا فى خانه البحث negative deen وهتلاقوا اغانى الفرقه دى بجد تحفه

انا جيت اجيبها لقيت فيها موسيقي

منشد_ طبعا العفاسى
مغنى_ سامى يوسف

اه فيها موسيقى
بس هقولك حاجه اولا المعانى حلوه
ثانيا دول كانوا مسحيين واسلموا
يعنى كويس اوى لغايه دلوقتى انهم بيغنوا دينى
وبعدين على فكره من طريقه غناهم عرفوا كتير من الاجانب الاسلام لان الاجانب بيحبوا جدا الراب
هو الوحيد من المسحيين اللى اسلموا ومستخدمش اى موسيقى الا الدف هو يوسف اسلام وكان اسلامه سبب فى اسلام اجانب كتير من معجابيه
اما امير الدين محدث فساب الغنى خالص

طبعا يا جماعه مشارى راشد يعنى صورت اكتر من رائع

معلش ياجماعة بعد ايذنكم اللى مسجل فى المسابقة اللى انا عملها يدخل حالا علشان نبدأ وياريت محبة الايمان تدخل

حاضر ثوانى واكون هناك

ممكن اقولك حاجه يا زهره اولا انا بحب مشارى لكن طبعا احمد ابو خاطر صوته احسن منه طب انتى تعرفى ان فى واحده هولنديه اسلمت لما سمعت صوت احمد ابو خاطر وبعدين مينفعش نقول نتساهل مع فرقة نيجاتيف دين دى اونقول الحمد لله
انهم كانوا ميسحين واسلموا وغنوا للدين لان ده فيه شبهه

اه negative deen فرقة متميزة مش هما بردو لونهم اسمر لو كنتم بتتفرجو على قناة الرسالة فكان فى حفل جوائز المحبة كانت اغانيهم حلوة وبردواغانيهم جميلة على 4shabab اما مشارى دا قناة العفاسى هى القناة الوحيدة اللى بنشغلها هنا حتى انا زهقت وعرفت السور اللى بيعيط فيها

مش حكايه تساهل
بس الطاعه بتيجى واحده واحده
مش من يوم وليله هيبقوا اولياء الله الصالحين
انا عارفه حكايه الهولنديه دى
بس المشارى برده اسلم على ايده الكثريين
انا بحب صوت مشارى لانى لما بسمعه بحس ان صوته فى هدوء وطمانينه اما احمد بو خاطر بحس انه.. معرفش
عادى اختلا ف الراى لا يفسد فى الود قضيه وكل واحد وذوقه
ايوه ديجيتال هم اللى كانوا فى جوائز المجبه
كان حفل رااااااااائع

مشكور على الموضوع الرائع

اكتر منشد بحبة هو عمرو دياب
واكثر مغنى طبعا ابو تريكة

esraa كتب:

اكتر منشد بحبة هو عمرو دياب
واكثر مغنى طبعا ابو تريكة

ههههههههههه
بجد حلوة أفضل مغنى أبو تريكة
حلوة
بس المفروض تريكة ده يشتغل حاجة تانية
......... المفروض يكون

عمرو دياب منشد حرام عليكى يا اسراء
وعلى فكره يا جماعه ابو تريكه لاعب حلو جدا جدا
مع انى زمالكاويه الا انى بحب ابو تريكه جدا
لانه بيفكرنى الى حد كبير بعد الحليم على(العندليب)

هههههههه عندليب مين يا جماعه وعمرو دياب مغنى دينى برده يا اسراء شكلك ..... مش عارف الاعضاء مالهم كده ع فكره انا زملكاوى متعصب بس مفيش علاقة بين عبد الحليم على وابو تريكه ده مهاجم وده نص ملعب عموما يمكن ف تشابه ف الشكل

يااااااااااااااااه احنا قاعدين نتكلم فى منشدين أغانى اسلامية يعنى اموت واعرف ايه الى دخل الى اسمه عمر دياب ده

ما انا بتكلم على الاخلاق والشكل
ايه ده يا برينسس انتى مش تعرفى ان عمر دياب بقى منشد لا اصلك مش معاصره للاحداث الجاريه
وبعدين يعنى ابو تريكه هو اللى مغنى