حياتنا

السلام عليكم ورحمة الله تعالى وبركاته
إزيكم جميعاً
أنا النهاردة وبعد طول غياب فى المواضيع حبيت أعمل موضوع
يلا نشوف الموضوع بسرعة
حياتنا مليانة سلبيات وطبعاً كلنا بنقول إن الحكومة السبب
وإحنا مظلومين
أنا مش بمانع رأيكم إن الحكومة السبب لأ أنا معاكوا فيه بس إحنا مش مظلومين
بالقدر الكبير أوووووووووووى ده
إحنا عندنا سلبيات كتير فى مجتمعنا المصرى

حبيت النهارده أعرض إحدى سلبيات المجتمع المصرى وعاوزة أعرف رأيكوا

موضوع النهاردة عن المال العام

هحكيلكم قصة ليها علاقة بموضوعنا النهاردة

فى يوم وأنا فى المدرسة لقيت بنات بيجيبوا الشاحن بتاعهم
وبيشحنوا الموبايل من كهربة المدرسة
أنا وصحبتى أعترضنا على فعلتهم دى
وقولتلهم مينفعش كده إنتوا بتشحنوا بفلوس مش من حقكم
هم بيوصلوا كهرباء للمدارس علشان النور والأجهزة اللى ليها علاقة بالتعليم بتاعنا
مش علشان نجيب موبايلاتنا ونشحنها على حساب الدولة
ومن المال العام
صحبتى قال إنها مش تبع الحكومة ودى كانت غلطة منها وأنا مش عارضتها لأنى مكنتش متأكدة إذا كانت الفلوس دى تبع المدرسة مال خاص بالمدرسة ولا الحكومة
المهم
قالت دى فلوس خاصة بالمدرسة ومش ليها علاقة بالحكومة
فمش ينفع إنتوا كده بتسرقوا من فلوس المدرسة
قالتلها ولو حتى كان مال عام مش خاص بالمدرسة بس
هيكون بيسرقوا من الحكومة
قالت طيب ما هو عادى ما الحكومة بتسرق مننا كتير
أنا بصراحة مش شايفة إن لما حد يعمل معانا حاجة وحشة نردها بنفس الأسلوب
وغير كده المال العام مش بتاع الحكومة ولا إحنا بس
ده بتاع مصر كلها
يعنى المفروض إن كل مصرى يروح يآخد من المال العام رداً للحكومة بتعمله
إحنا المفروض عاوزين نصلح
مش نروح نقلد الغلط

مستنية رأيكوا ولو أنتوا مكانى هيكون رد فعلكوا إيه قدام البنات اللى بتشحن موبايلها دى على قفا الدولة
بدون أى وجه حق؟؟؟!!!!!!!!!!

سلاااااااااااااااام