«البرادعى» يزور الولايات المتحدة ويلقى محاضرة فى «هارفارد»ويلتقى المصريين

ألغى الدكتور محمد البرادعى، رئيس الجمعية الوطنية للتغيير، اجتماعه مع أعضاء الجمعية الذى كان مقرراً عقده أمس، ليبدأ غداً زيارة إلى الولايات المتحدة الأمريكية تستغرق عدة أسابيع. قال الدكتور على البرادعى، عضو الجمعية الوطنية للتغيير، إن الدكتور محمد البرادعى أكد تواصله الدائم مع أعضاء الجمعية، موضحا أن التواصل سيستمر خلال زيارة البرادعى للولايات المتحدة.

وأشار إلى أن الدكتور البرادعى سيلقى محاضرة بجامعة هارفارد، حول منع الانتشار النووى، ومن المنتظر أن يلتقى أبناء الجالية المصرية فى مدينة بوسطون. يأتى ذلك فى الوقت الذى توجه فيه عدد من قيادات الجمعية إلى سفارة الكويت، أمس، وقابلوا السفير الكويتى، رشيد الأحمد، للاتفاق معه على حفظ حقوق المصريين المرحلين من هناك.

وناقشوا مع السفير الإجراءات التى اتخذتها السلطات الكويتية من اعتقال وترحيل لمصريين أعلنوا دعمهم لحملة الدكتور محمد البرادعى، وتوصل الطرفان إلى عقد لقاء يجمع السفير الكويتى بالشباب المصريين المرحلين خلال أيام، بالإضافة إلى حفظ حقوقهم المالية.

وقال الدكتور حسن نافعة، منسق الجمعية الوطنية للتغيير لـ«المصرى اليوم» إن السفير الكويتى أكد أن عقود العمل داخل الكويت تمنع القيام بأى نشاط سياسى. ولفت «نافعة» إلى أنه أكد للسفير الكويتى أن الإجراءات التى اتخذتها السلطات الكويتية طالت مصريين ليست لهم علاقة بالسياسة.

من جانبها، قررت الإمارات حجب الموقع الإلكترونى «جبهة إنقاذ مصر»، وهو القرار الذى أرجعته إحدى المنظمات الحقوقية إلى قيام الموقع بمتابعة تحركات «البرادعى».

وعلق الدكتور البرادعى، فى حسابه الخاص على موقع «تويتر»، أمس، على اللقاء الذى عقده مع مجموعة من القيادات العمالية قائلاً: «استمعت للعمال، فوجدت أنه لا حق للعمال فى إنشاء نقابات مستقلة، كما أن هناك ٨ ملايين عامل يباشرون العمل بعقود مؤقتة وتم استبعاد ٣٠ ألف مرشح من الانتخابات النقابية، وأيضاً عدم وجود حد إنسانى للأجور».

وسط هذة المشاكل والمظاهرات وطرد المصرين من الكويت واحداث 6 ابريل يزور البرادعى امريكا عدة اسابيع من قلة مشاكل مصر رايح تحل مشاكل العالم دى انت لم تزور مصر هذة المدة بعدك الكثير حيخلى الشعب ينساك انت بتسعى للرئاسة الجمهورية مش عامل امن فى شركة (((اللى لوكانت الزيارة لاسباب تكتكيةمصارية))))

اظن احداث ابريل اننا فى وطن ديموقراطى ولينا حق التعيبر ولما يكتموا صوتنا لينا حق نصرخ

اما بالنسبه لما فعلته الكويت فهو موقف سيبقى وصمه عار فى جبينها مدى الحياه فلكل انسان له الحق ان يؤيد من يريد فهذه الطريقه تعتبر دكتاتوريه واضحه

اما بالنسبه انه كان فى الخارج ولسه راجع احنا بقينا قريه صغيره جدا وممكن يعرف اخبار العالم من اى حته وبعدين بره ومش عارف اخبارنا ولا جوه وحكمنا ومش عارف حاجه عننا

وبعدين هرج واقول ان البرادعى وصل لمنصب اى رئيس دوله يحلم بيه فهو مشهور اكتر من رئيس دولتنا وبذكائه اخد نوبل فمن الممكن بذكائه هذا يطور مصر

وبعدين كفيانا 28 سنه فى ظلم وجهل وتخلف الصين اللى كانت متخلفه عننا وكان الرئيس الراحل جمال عبد الناصر رحمه الله رفض الاشتراك معها فى مشاريع لانه قال انها دوله متخلفه شوفوا احنا وهم فين اظن فرق شااااسع

ولو عندنا سياسه التغيير مفيش حد هيستعبدنا

شكراا جزيلااا على الموضوع الرائع

ياريمى بجد انت حطه لراجل ده صوره وحشه اوى فى دماغك مع انك لو عرفتى عنه حاجات كتير هتتمسكى بيه

بصى يا سلسبيل مش علشان انا متناقضة معاكم فى الرأى وبقول الحقيقة وبقول وجهة نظرى بجد , ومش عاوزة اى حد يحكم بلدنا وخلاص مقابل سياسة التغيير, ابقى حطة للراجل دة صورة وحشة فى دماغى ولا حاجة......وبعد كل اللى انا كتبته فى الموضوع ده والموضوع اللى فات, ابقى مش عارفة عنه حاجات كتير**ازاى يعنى** وانا هكتب عن واحد انا مش عارفاه ولا عارفة عنه حاجة ليه؟؟!!!
وعلى فكرة انا بحب رئيسنا الحالى جداااااااااا وانا مش بقول الكلام دة علشان خايفة من اى جهات امنية او اى حاجة من دى لا سمح الله , بيتهيئلى كل واحد حر فى وجهة نظره........ صح ولا خطا.....



يا ريت اعضاء المنتدى اللى بيشاركونا فى الموضوع دة ميكتبوش الشكر بس

معلش هتقل عليكم يا ريت تكتبوا وجهة نظركم ورايكم فى اللى انتم عاوزينه يبقى حاكم لبلدكم..... زى زهرة وسلسبيل......

وشكراااااااااااااااااااا

انتى قلتى انك بتحبى حاكمنا الحالى
مش حاكمنا الحالى ده هو اللى بعت برقيه تهنئه لشمعون بريز يهنيه على اقامه دوله اسرائيل فى الوقت اللى اسرائيل بتحتفل بيه فى عيد النكبه
وغير كده ازاى يهنيهم على اقامه دوله اسرائيل
ده قمه التطبيع وارضا هنرجعها رغما عن انفه