اضحك مع البرادعى

هذا الموضوع ماخوذ من جريدة الجمهورية:


اضحك مع البرادعي !

كتب ـ رئيس التحرير :

لا جدال ان د.محمد البرادعي شخصية جديرة بكل احترام وتقدير وقد شغل من المناصب أرفعها ومن الدرجات العلمية أكثرها قيمة ومن السمعة الدولية ما لا يدانيه فيها أحد.. ومع ذلك فطيبة الرجل وانفصاله عن المجتمع المصري فترة طويلة جعل كلامه وتصريحاته تبدو وكأنه من "كوكب ثاني" علي رأي مدحت صالح.
لو قرأت حديث د.البرادعي بعناية لجريدة الشروق ستجده يقول "انه أشهر واحد في مصر الآن" وقد أسس ذلك علي حقيقة مفادها أن عدد الأخبار الموجودة عنه علي شبكة الإنترنت بلغ 6 ملايين خبر!! يا خبر أبيض.. هل علي هذا الأساس يتم قياس الشهرة.. إذن هتلر أشهر لأن عليه 26 مليون خبر وقصة وتحليل.
وبعيداً عن خلافي الأساسي مع د.البرادعي وهو خلاف سياسي وليس له علاقة بأقواله وتصريحاته. لكني لا أستطيع أن استبعد من ذهني ان شخصاً مثله يفترض أن يرشح نفسه للرئاسة يقضي وقته أمام شاشة الكمبيوتر ليحصي عدد الأخبار التي جاء ذكره بها علي الإنترنت.
المشكلة أن د.البرادعي اختار أن يطوف العالم محاضراً ويحصل علي تكريم رسمي من أكثر من بلد. ونسي أن يبتكر حلولاً لمشاكل مواطنيه الفقراء الذين ينامون علي الأرض ويضربون ويجأرون بالشكوي من الأوضاع الاقتصادية وهو يكلمهم عن تغيير الدستور!
ان خطة البرادعي الجهنمية لاحداث ترويج سياسي له هو قيادة ثورة شعبية علي الفيس بوك والجروبات التي انشأها الشباب. رغم أن هؤلاء لا يملكون بطاقات انتخابية ويتعاطون "التغيير" علي انه "موضة" وليس سياسة!
الآن شكّل البرادعي مجلس قيادة الثورة من حمدي قنديل والمستشار الخضيري ود.حسن نافعة ود.محمد أبوالغار والدكتور عبدالجليل مصطفي.. وسادسهم المدير السابق لوكالة الطاقة الذرية.. وكانت أول تصريحات الخمسة الكبار انهم سيتداولون المسئولية فيما بينهم.. يعني قنديل يبقي قانوني والخضيري إعلامي وأبوالغار يجمع توقيعات وغيره.. كراسي موسيقية لناس عايزة عدسات وشهرة وصحف وفضائيات.. كل هذا ولم يفكر مجلس قيادة الثورة التابع للبرادعي "حيبيعوا ايه للناس.. غير الدستور"!
علي ان أظرف ما في حملة البرادعي والذين يروجون له هو الاحتفاء بصورة رجل مسن يقبله في المصري اليوم وآخر يصافحه في الدستور.. مع أن "قنديل" محترف لكن فاته أن تكون البداية مؤتمراً شعبياً وليس "صورة" من صلاة الجمعة والناس تغادر الجامع.. قنديل يدير الحملة بالأسلوب الاشتراكي لعبدالناصر.. لكنه لن يقنع الجمهور بالبرادعي وهو يسكن في كومبوند بحراسة وكلام عن الدستور والديمقراطية.. يا حمدي بك انقل علي "المم" وكيف سيقتحم صديقك الفقر والجوع والمرض!.. لكن حيتكلم عنها ازاي وهو لم يجربها هو أو مليونيرات مجلس قيادة الثورة الذين يحيطون به.

شكرا على الموضوع واهم حاجه فى الاخر ان لازم كل القرارات تبقى فى صالح الشعب المصرى

شكرا على الموضوع الرائع

اولا شكرا على الموضوع
ثانيا البرادعى ده انسان محترم جدا
ولو كان فعلا هيكون مع الشعب

مشكووووووورين لردودكم

انا اعارض كل هذا الكلام
اولا مش معقول انه يكون هو اللى احصى هذا ليه معندوش ناس يساعدوه ده وبعدين واحد راااااائع زيه وصل الى اللى وصله اكيد عارف قيمه الوقت
وثانيا مش ممكن يكون سفره للخارج ده فيه مصلحه لينا انه يحاول تطبيق النظم الاوروبيه اللى تتوافق مع دينا هنا
ثالثا حضرتك قلتى انه مهتمش للفقراء مش ممكن يكون هو رجع علشان يهتم بيهم
وبعدين لو قعد فى مصر كان اخره مدرس علوم مش للمنصب الى وصله
يعنى زويل واحنا كلنا بنقدر زويل لو رجع اغلبنا هنقول هننتخبه لانه عقليه عبقريه والبرادعى لا يقل عنه فى شئ مع انه برده قاعد بره ونفس تقريبا حالات البرادعى
وبعدين على الاقلى ده سلم على حد من الشعب المصرى وبيمشى فى الشارع عادى وبيصلى فى المساجد بتاعتنا مش علشان يصلى الجمعه يروح شرم الشيخ

وشكرااااااا

شكرا جزيلاً لك على هذا الموضوع الجيد والمتناسق واصل . .

انا معاكى يا سلسبيل

اولا شكرا لردودكم...
ثانيا يا زهرة الكلام اللى انتى بتعارضيه دة انا مقمتش بتاليفه ولا حاجة .
بل هو منقول من جريدة الجمهورية وان مكنتيش مصدقة الكلام ده كان موجود فى العدد بتاع اول امبارح..... ممكن تجيبى جريدة الجمهورية من على الانترنت وتشوفى بنفسك......
وهى جريدة مشهووورة
والمعروف عنها ان هى تشتهر بالمصداقية
وبعدين الكلام دة انا مش شايفة فيه اى حاجة غلط ......



وشكراااااااااااااااااااااااااااا

ما انا عارفه انه من جريده وانا بعارض كلام هذه الجريده اعتقد ان من حقى انى اقول رايى
وبعدين دى مهما كانت جريده حكوميه يعنى لازم تقف مع الريس

طبعا من حق اى عضو انه يقول رايه ويرد على الموضوع
والجريدة كدة مكتبتش اى حاجة علشان تبقى مع الريس
كل اللى كتبته هو معلومات عن البرادعى فقط لا غير وانا مش شايفة ان فى اى حاجة ضده او اى حاجة تقف مع الريس...........






وشكراااااااااااا لردك.......

شكرا ليكي جدا

بس فعلا ياريمى الراجل ده لف الدنيا كلها واكيد عنده افكار على الاقل انها ممكن تساعد الشعب على النهوض من الكسل الى الناس عايشة فية دلوقتى وشكرا ليكى يازهره وياريمى
بس انا من انصار البرادعى ومسمحش لحد ولو حتى كانت جريدة مهمة ذى دى انها تهين او تستهزأ بالرجل العظيم ده

لما يعرض هذا الموضوع فى هذه الجريده بهذه الطريقه الذى يوجد فيه اساءه ليه عن طريق تحويل محاسنه الى عيوب يبقى بتقف جنب الريس
وانا معاكى يا سلسبيل وانا مؤيده طبعا ليه
على الاقل لو وحش يبقى بقى عندنا سياسه التغيير
وده هيبقى تقدم رااائع

يعنى انتى يا زهرة ميهمكش اذا كان المرشح لرئاسة الجمهورية يكون كويس او وحش
يعنى انتى عاوزة اى حد عنده سياسة التغييييييير وخلاص ؟
يعنى الشعب عاوز اى حد تانى وخلاص يحكم له بلده علشان حال البلد يتغير
وكمان ميهمش اذا كان هيتغير للاحسن او للاوحش !!!


ايه فين بقيت اعضاء المنتدى؟
يا جمااااعة ممكن تشاركونا الردود ولا لا

ياريت بس اعرف ردودكم وآرائكم زى ردود وآراء زهرة وسلسبيل ولا فى اختلاف؟

انا عاوزة اننا نتناقش فى هذا الموضوع
من حقنا اننا نتكلم عن مصييييييييييرنا ومصيير بلدنا......

ارجو اضافة الردووووووود!!!

وشكراااااااااا

لا طبعا واظن ان البرادعى رجل سياسى درجه اولى
ده اولا
ثانيا لو احنا معندناش سياسه التغيير هنعرف منين اذا كان كويس او وحش

عندك حق
وبعدين ياجماعه فين أراء الاخرين ممكن يكون فى حد عنده وجهه نظر اخرى وكويسه لازم يكون ليكوا مشاركه وميكونش البعض رده سلبى زى شكرا على الموضوع من غير ميعرفوا الموضوع بيتكلم عن ايه اصلا

الشكر لله وحده

حاجه تانيه معلش
اظن ان دى السنه 29 اللى بيحكم فيها الرئيس الحالى البلد
طب تخيلى لو كان هو قعد بس 8 سنين هيفضل 20 لو كل تمن سنين فيهم جه رئيس يعنى قولى تلات رؤساء دول ده تقريبا يعنى بفرض ان مش كل واحد 8 سنين بالظبط
بالاضافه انه هيقعد لغايه السنه الجايه لبعد الانتخابات
مش كل رئيس منهم كان هيجى بفكر جديد هيطور البلد ويعمل على تقدمها ولا ايه؟

عندك حق انا بوافق على كلامك ياريت نكون صرحه مع نفسنا شويه ونبطل سلبيه وخوف