فى حب مصر
سالوني بتحب مصر ؟ قلت مش عارف ؟
جوايا الإجابة بتهزني بس أنا خايف
خايف على نفسي ! لأ عليكي انتِ أنا خايف
لو صوتي مره طلع كان بيطلع بس مش شايف
أقول ايه ولا ايه انا كده مش هبقى ضايف
نفسي صوتي يبقى مسموع مش كل مره يطلع موجوع
يا مصر مش بقلل من مكانتك لأ بس أنا خايف
يا مصر هواكي جوا قلبي نيلك بيجري جوا دمي
يا مصر انتِ أمي ضمي شعبك كمان ضمي
شعب حر وقام بالتحرير وقف وقال كلنا إيد واحده للتغير
لا ولا لكل ظالم كان شاكك في حرية شبابها
وحان الوقت يعرف أربابها وكفاح شعب حر مناضل
دلوقتي بس عرفت أد إيه بحبها دلوقتي بدافع منها
والخوف خلاص راح وانجلى وعلمها دايماً في السما
أحمر : ودا لون دم الشهداء
أبيض سلام وأمان وحريه
ودا نسر التحرير والنصر
والأسود : دا حكاية أسر
عرفتِ قد إيه بحبك يامصر
بحبك يامصر
بحبك يامصر
الرئيسية 
البوابة 
أحدث الصور 
التسجيل 
دخول 
تسجيل دخول الاعضاء 
الثلاثاء يوليو 12, 2011 2:48 pm
