شكلنا اصبح سئيا للغايه
طبعا فى الفتره الاخيره شهدنا احداث كتيره مهمه حدثت على الساحه السياسيه
وكالعاده معظم بل كل القاده العرب لم يتاخذوا موقفا ضد ما يحدث على الساحه
ومن اهم هذه الاحداث والتى شغلت العالم العربى بل العالم الاجمع هى قافله الحريه
التى خططت ان تذهب الى فلسطين بالتحديد الى غزه وبالفعل تحركت هذه القافله
من تركيا الى ميناء اسدود لكى تذهب الى غزه وتفك عنها الحصار وكلنا نعلم ما حدث لهذه القافله.من الاعتداء عليها واعتراضها وترحيل من كان فيها وغيره الكثير
اما لو حد سألنى وقال لى شكلنا اصبح سيئا ليه؟
لاكتر من سبب
السبب الاول:كام واحد مصرى كان على السفينه ولا واحد مصرى وصل الى ميناء اسدود
طب ده بالنسبه لمصر .طب تعالوا نشوف كام واحد عربى او كام بلد عربيه كانت على متن سفن الحريه اربعه او خمسه وده فيه مبالغه لان الدول اللى سمعت انها موجوده لبنان واليمن
ولا حياه لمن تنادى للباقيه الدول.مع اننا 22 دوله عربيه بالله عليكم شكلنا كده مش وحش جدا
فى بعض الناس كانوا بيقولوا سواء مصريين او غير مصريين عرب عموما واحنا نعمل ايه الحكومه مبتعملش حاجه احنا فى ايدينا نعمل ايه مع العلم ان اللى كانوا على القافله كانوا ناس عاديين مش من الحكومات او الحكومات هى اللى بعتاهم يعنى ده دليل اننا سلبيين جدا ومستسلمين ومش بنترحك ولو مكنتش سلبى قول لى عملت ايه؟
السبب الثانى :سفن الحريه خلاص وصلت لميناء اسدود وشفنا الاعتدائات اللى حصلت عليها اللى مفهاش اى شكل للانسانيه بل تدل على ان الكيان الصهيونى (الورم الخبيث) وحش لا يحمل اى معانى الانسانيه بل انه يحب القتل والتدمير وسفك الدماء فقط
اظن ان كلنا شفناها انت عملت حاجه اتحركت او ثرت او على الاقل عملت موضوع على اللى حصل ولو كتبت حسيت فعلا باللى بتقوله
ولا احنا بس بنثور للهيافات اللى بتحاول توقع بين الاخوه العرب(مصر_الجزائر) والاعلام والفنانين والحكومه والشعب كله اتحرك لهذه التفاهات اللى بتقدم لعدونا اكتر من اللى هو بيتمناه
ولو حد كان فتح التلفاز كان بيحس ان التلفاز هيولع من كتر الثوره على اللى حصل واللى يقولك اصل ده اهانه للمصريين ولكرامتهم طب واللى بيحصل فى فلسطين ده مش اهانه للعرب كلهم واللى حصل فى العراق ولبنان والشيشان والبوسنه والصومال وافغانستان مش ده اهانه للعالم الاسلامى كله
على فكره الكيان الصهيونى مغلطش باللى عمله احنا اللى غلطانين ده واحد بيحقق اهدافه باى الطرق وملقاش حد يقف قدامه يبقى يقف ليه الغلط الاكبر علينا احنا يا عرب لاننا سكتنا شايفين القدس بتتهود وساكتين اهلينا بتتقتل واحنا ساكتين والاطفال بتتشرد وتتيتم واحنا ساكتين والشيوخ والنساء بتتعذب واحنا ساكتين والشباب بيعوق واحنا ساكتين
يبقى انتم عاوزين ايه يتعمل فينا ده اقل واجب للعدو اللى بيعمله فينا ده عدونا يبقى من الطبيعى انه يعمل كده فينا لكن مش من الطيبعى ان اخوك يقف يتفرج عليك وميساعدكش وهو فى ايده انه يساعدك لا ياريت جت على كده وبس دهب يحط ايده فى ايد عودك وبيتامر عليك وبيتمنى موتك كل ده فى سبيل المال والسلطه اللى كده كده هيزولوا
يبقى بالله عليكم شكلنا مش وحش
عاوزه بس اقول حاجه واحده افتكروا اننا هنتحاسب على اللى بيحصل فى العالم العربى ومحدش يقول انا هعمل ايه يعنى
وفى النهايه السلام عليكم ورحمه الله وبركاته
واسفه اذا كنت طولت عليكم شويتين
الرئيسية 
البوابة 
أحدث الصور 
التسجيل 
دخول 
تسجيل دخول الاعضاء 
الجمعة يونيو 04, 2010 7:19 pm
